Աստվածաշնչի հայտնի հատվածներ मर्‌कस् 5-ից

Կիսվել

ओउः छ्यान्‍ह्आक्‌तीको “अ हौद्याङ् ङाकायःतेः पेतोतेः ङ्‌हाम्‌तेःआची ओउःत झ्‍यान्‍ते स्‍याक्‌तेःपाः लौ सेलः स्‍याव्‌ती ल्‍हुङ् धोमाय्‌ती पाय्‍ह्अ” त दाय्‍ह्‌ती येसुइ तोआथै।

ओउःमयःकःगन यात्‌चाक् वयः वयःओ पीर्‌इ ङायःओ मोमःचोः मुओ खेःतो। ओउः मोमःचोःपाय् बार बर्‌सच्‍युक्‌कायः आङ्‌रयःबाङ् जीक्ओ खेःतो ओउःकायः दाक्‍तर्‌लम्इ स्‍याक्‌ताक्‌सा जुगाङ् खाय्‌नीली ओउःमयःइ आन दुख बयःती ओउःकोः पैसा सबै त्‍याक्‌ती जेःथातो ओउः मोमःचोःपाय् न्‍हाङ्‌तोलेः क्‍लोःतो स्‍याव्आ बा।

येसुकोः नाय् दीन्‍ह्‌माकादे ओउः मोमःचोःकोः वयः थुम्‍ह्‌माकादे “लौ ङाकोः आङ्‌पाय् द्याह् जुगाङ् सेलः मुनाङः” त सायःआकास।

पोक्‌ती वाङ्आक्‌तीको ओउः मोमःचोःचोःकोः क्रुत् चुम्‌ती “तालीथा कुम्” त दाय्‍ह्‌ती येसुइ तोउतो “तालीथा कुम्” त दाय्‍ह्ओकोः माने “लौ हौय ‘च्‍योक्अ’ त तोनेःनाङ् बा”

ओहाङःसैको ओउः मोमःचोःकायः तोतोक्‌हाङः यात्‌नीस्‌चाक् ओउः ताङ्‌ह्ओ मान्‍ताकोः कीम्‌सै दाह्‌ती “लौ नाङ्‌कोः चोःद्याङ्‌जा सीजेःआ बा। इ गुरुकायः द्याह् वानःसा परल” त दाय्‍ह्‌ती याय्‌रुस्‌कायः तोथातो ती ओउःमयःइ तोओ कुरा येसुइमा सायःती “लौ ल्‍हुङ् र्‍याङःमाःत ङाकायः पेतो ङ्‌हाम्‌ची दा” त दाय्‍ह्‌ती येसुइ तोआथै।

वाङ्आक्‌तीको “लौ नाङ् गालःलान्इतेः इ मान्‍ताकायः ल्‍हेस्‌ती फेउ” त येसुइ दाय्‍ह्‌ती तोती झ्‍यान्‍ते ओउः मान्‍ताइ सोतो गोःती “अ प्रभु येसुय नाङ् सबैसै ताङ्‌ह्ओ परमेस्‍वर्‌कोः चोःतेःआः ङाकायःतेः दोह् हायःलाङ् वाङ्ओतेःआः। सत्ते ताम्‍बजेः दाय्‍ह्‌तीलेः ङाकायःतेः न्‍युम्‍ह्‌ताक्‌चाःची दा” त दाय्‍ह्‌ती येसुकायः तेती तोआकान्। तोआक्‌तीको “लौ नाङ् गतलोतेः मय्‍ङ्‌तेःनाः” त दाय्‍ह्‌ती येसुइ व्‍हत्‌थातो ती “ङाकायः पल्‍तन् त मय्‍ङ्आताङः” त दाय्‍ह्‌ती ओउःपाय् त्‍याङ्आ “ङी लान्‌लम्‌पाय् नाःतो लेःआः ङी त झ्‍यान्‍ते ओउःतलेः मय्‍ङ्ओआः”