Աստվածաշնչի հայտնի հատվածներ मर्‌कस् 4-ից

Կիսվել

येसु म्र्याती च्‍योक्‌ती मारुःकायः जान्‌ती तीःकायः “लौ साङ्‌ह्‌माःत मुअ दा” त दाय्‍ह्‌ती तोआकान्। एत तोआक्‌तीको मारुःमा दीःजेःआ दुम्‌हान्‌मा एवेङ्‌त स्‍याव्आ। दुम्‌हान् एवेङ्‌त स्‍याव्आक्‌तीको “लौ नीङ्इतेः दोह् हायःतीतेः एत रैती ङाकायःतेः ङ्‌हाम्‌तेःनाङ्‌सल” त दाय्‍ह्‌ती येसुइ दोङ्‌गाहाङः मुओलम्‌कायः तोआथास।

ओउःमयः आन ग्‍याङ्‌ह्‌ती रैती “लौ इजा गत खेःओ मान्‍तालो ती। दोङ्‌सीलेः ओउः गानाक्‌ती तोओ कुरालेः मारुःलम्‌कायःमा तीःलम्‌कायःमा ग्‍याताक्‌नौ बा” त दाय्‍ह्‌ती ओउःमयः लयःमयःकुस् नोःकाय्आकाय्।

तीःइ ब्‍लीङ्‌ती ज्‍युप्‌खेःतोक्‌हाङः येसु दोङ्‌गाकोः पोर्‌हाङः एनःती मुओ खेःतो। येसु एनःती मुओ च्‍यवःती ओउःकुस् वाह्ओमयःइ ओउःकायः म्‍हाङ्‌ती “अ गुरुय ङीजा दोङ्‌गा ज्‍युप्‌ती सीखेःनाःतय्‍ही बाती सीसाकायःपाय् नाङ्इ दोह्‌तमा ताःतेःल दै” त दाय्‍ह्‌ती तोथातो ती

“इ कुरामा पेतो ङ्‌हाम्‌ती सायःनु। गुच्‍युक् नीङ्इ ल्‍हुङ्‌हाङः त्‍याक्‌ती सेसा ग्‍यातेःनै ओउःच्‍युक्‌लेः स्‍यान्‌ती बयःतेःनै माःरैस पाःतोलेः बयःतेःनै।

लौ अरु परमेस्‍वर्‌कोः राजीकोः कुरा वीनःराय् ल्‍हाक्‌ती स्‍यान्‌नेःनाङ्‌स। मान्‍ताइपाय् राङ्‌हाङः बीया चोया वार्‌नौ। वार्‌आक्‌तीको दीन्‌का दीन् ओउः मान्‍ता एनःतीमा च्‍योक्‌तीमा काम् जाङ्‌ह्‌धै मुनाः। ओउः एनःतीमा च्‍योक्‌तीमा मुमुबाले ओउः वार्‌ओ बीया चोया लयः दुङ्‌ती थानाः थाआक्‌तीको च्‍युलःनाः। बीया चोया गत हायःती दुङ्‌ती च्‍युलःओ ओउः मान्‍ताइपाय् दोह्‌मा चीःउलु।

लौ ओउः कुरा पेतो सायःनु दा” त दाय्‍ह्‌ती येसुइ तोआथास।