Աստվածաշնչի հայտնի հատվածներ EFESIOS 5-ից

Կիսվել

Anćhukki Yöś q'ay matiźta, Yöś irataź päkićha. Niźaśa anćhukki śapamayniźkiś śuma oqśñi quśtan palxaya, xaqhnuź ni Criśtu ućhumnak pekchiźlaxa niźaśa Ućhum layku tikhśiźlaxa xalla niźta irata, xalla nïki Yöśta tshi śuma źqethñi wilanaźtaqaś thächićha.

Niźaśa anćhukki anćhuka qamañaź kuytaśakićha. Niźaśa anćhukki anaź sumsu kankaña qama, ans śiśnakchiś qama. Niźaśa anćhukki anś qamkanź qhxortipaśa, ti thuñinakaki ana śumaćha.

Niźaśa anćhukki anaź lika, xalla ni likhśki qamañaź aqćha; ans anćhukki Espíritu Santuźtanź śhipsna. Niźaśa anćhukki porapat Salmuźtan parlakićha, niźaśa Yöś Tatźkin thapa quśtanź Yöś wirsunaka itsna. Niźaśa anćhukki thappacha anćhuka ćhhultaqkiśtan Yöś Ephźkinpanź sparakiź khekićha, ni ućhumnaka Jesucriśtu Tataź thükiś.

Niźaśa anćhukki anaź sumsu quśśiś khella; ans anćhukki ni Yöś Tatź pektakamaź katoqśpekalla.

Niźaśa anćhukki luktaqanaka perśun mätaqapanź peka, xaqhnuź Criśtu ni Yöś kirïchi jilanaka pektćhaxa xalla niźta irata, niźaśa Criśtuki nïź źeti ninakźkiśtan thächićha.

Niźaśa anćhukki tukiki sumchikiś qaminćhuktaćha, niźaśa anś anćhukki Yöśtan chika khisku qhankiś qamćha. Niźaśa anćhukki qhankiś khiñi źoñinakaźtaqaś khïkhiyakićha

Anćhukki Yöś tukkiś porapatź tasna.

Niźaśa mätaqanakaki perśun luktaqź xaru khiśtanćha ni Yöś Tatźkiśtaqaś.

Niźaśa śapamayni anćhukki thapa ćhhultaqkiśiki, perśun mätaqaź peka perśunpachkiśtaqaś, niźaśa na thunki perśun luktaqa pekśtanćha.

“Xalla niźtikiśtan luktaqaki nïź perśun thunatan khisxapa nïź mä eph ekakićha, xalla ni pukultanaki tshi xañchichiś khekićha.”

Niźaśa anćhukki, ana Yöś paxñi źoñinakźtan anaź munaśakićha; ans anćhukki ni źoñinakź ujź qhanakama thëźina.