Աստվածաշնչի հայտնի հատվածներ EFESIOS 6-ից

Կիսվել

Ans ućhumnakki anaź źoñinakź aśtan qichassa, ans ućhumnakki ni tsewkta ana śum yenqhanakźtan qichastanćha, xalla ninakaki tshi jiliriźtaqaś ni sumchi laqhkiśimi irpiś aśśiśśa, xalla tinakaki ućhum muytataćha.

Neqhśtan anćhukki mayiśiś anapanź apatata: Niźaśa anćhukki Yöśkin maya niźaśa rokt'a, niźaśa anćhukki ni Espirituź irpita naynayipanź źela, niźaśa anćhukki thappacha ni źkayi quśśiś jilanakźta mayiśa.

Niźaśa anćhukki Yöś wakiyaśta taquź kuthźna, xalla nuź anćhukki ni Saxriź ćhhultaqinaka anćhukakiś thonan thurt'asaćha.

Xalla niźtikiśtan anćhukki ni Yöś wakiyaśta taquź waytaśalla, xalla nuź anćhukki ni ana wal thonñi thuñkiś thurt'asaćha, xalla nuź anćhukki śumpacha thakśku thurt'ichipanź qama.

Niźaśa anćhuka thapa quśki thapa ćhhultaqinakkiśtan tshi tshithsiñiźtaqaśx khila, xalla nïźtan anćhukki ni Saxriź aqñi uj thesasaćha. Xalla ni liwrïski am achkiś tshi thup skaraźtaqaś taxźinakićha, niźaśa ni Yöś śuma kintu ni Espíritu Santuź thäta paqh kuchilluźtaqaśx khila.

Niźaśa anćhukki thurt'ichipanź khekićha, tshi tshayiźtaqaś tshäsla ni werar Yöś tawqźtan niźaśa ni Yöś śoq'u jikhś tshi qhxapaźtaqaś kuthźna. Niźaśa anćhukki ni Yöś śuma kintunaka maśinśkiśxapa thakśipanź khekićha.

Xaśiki weth q'ay jilanaka Yöś Tatź aśiź tanś peka, niźaśa nïź chawkh aśkiś aśiź tanźna.

Xalla ni Yöś lïkiś tuki khiñi taqu onźtaki, xalla tïćha: “Am mä eph kaśa, amki am mä epim kaśakiź nïki, śumam qamakićha niźaśa aźqa watam ti yoqkiś źetakićha.”

Okhalanaka anćhuka mä ephź kaśa, xalla nïki Yöś Tatźkiś añcha walićha, xalla tïki nuźupan khiśtanćha.