Աստվածաշնչի հայտնի հատվածներ A̱fisawa 5-ից

Կիսվել

Nang nyi ngyet mman nang A̱gwaza chat a̱ni. Mat a̱nia, nyi kwan nyi tai nggu, di̱ kuzang kyang nang nyi nyia̱ a̱ni. Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

Mat a̱nia, si̱ nyi ta̱bam ma̱ng tangka̱i swat hu nang nyi swan a̱ni. Nyi yok yet á̱bwuon á̱niet bah, a̱wot nyi swan nang á̱niet ba̱ byia̱ mumwang hwa a̱ni. Nyi nyia̱ a̱tan nta̱m ma̱ng kuzang a̱wat nang nyi byia̱ a̱ni, mat jen ji yet a̱ka̱tuk wa.

Nyi yok yet á̱niet hyeng a̱kan bah, mat si̱ a̱hwa tyei tsot wun ku chong ma̱ng a̱khwu a̱ni. Da̱ a̱kwonu a̱kya, si̱ nyi ghwon chet A̱za̱za̱rak Ntswa huhwa a̱ tyia̱ nyin chet nang gu nchat a̱ni. Kuzang jen nyi ni̱ mbwom bubwom Za̱bura, bubwom dyep, ma̱ng bubwom A̱za̱za̱rak Ntswa ghyang. Nyi yong di̱ bwom bubwom ma̱ng dyep A̱tyoli Kristi, ma̱ng a̱mgba̱m nfwuo nyin na. Kuzang jen, mi̱ kuzang kyang, nyi ni̱ ngyong di̱ gwai A̱gwaza a̱ yet A̱tyia̱ nzi̱t a̱ni, mami a̱lyoot A̱tyoli nzi̱t wu, Yesu Kristi.

Nyi yok yet á̱bwuon á̱niet bah. Da̱ a̱kwonu a̱kya, si̱ nyi kwan nyi fi̱k kyang hu nang A̱tyoli Kristi chat nyi nyia̱ wa a̱ni.

Nyin á̱tyok, ku myim nyi chat á̱nyiuk nyin ba, ma̱nang Kristi nchat á̱niet khwi ba, a̱wot a̱ si̱ nwuak a̱pyia̱ nggu a̱ si̱ khwu da̱nian mba a̱ni.

Mat di̱n jen ji ji̱ swak a̱ni, nyi ku shya̱ ma̱ a̱gbi̱ri̱ng ndyin. A̱wot ma̱ninika, nyi shya̱ mami a̱kyenkyai sai wa a̱ neet da̱ a̱vwuo A̱gwaza a̱ni. Mat a̱nia, nyi yok swat nyin hu ku tak nang nyi shya̱ mami sai A̱gwaza hu za̱m!

Nyi ni̱ nwuak á̱ghyang pyipyia̱ nyin, mat nang nyi fwuong a̱wun Kristi a̱ni.

Nyin á̱nyiuk nyeang, nyi ni̱ ntyia̱ pyipyia̱ nyin mbwak tyok á̱tyok nyin ba, ma̱nang nyi ni̱ ntyia̱ pyipyia̱ nyin mbwak tyok A̱tyoli Kristi a̱ni.

Mat a̱nia, n bu shei ma̱ng a̱nyin, ku yet ta hwa, kuzang a̱tyok a̱ chat a̱byii̱k nggu wu ma̱nang gu nchat a̱pyia̱ nggu a̱ni. A̱wot ma a̱nia wa, ku yet ta hwa, kuzang a̱byii̱k a̱ nwuak a̱tyok nggu wu shi.

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱tyok na ghwon a̱tyia̱ ma̱ng a̱yang gu, gu ta̱meet ma̱ng a̱byii̱k nggu wu. Mba a̱feang ba̱ yet vam nyiung.”

Nyi yok mun á̱pyia̱ nyin hu ma̱ng á̱niet ba̱ nyia̱ a̱ka̱tuk nta̱m mi̱ ndyin na̱ sang tswa a̱ni bah. Da̱ a̱kwonu a̱kya, nyi ni̱ nghwut ma̱ng á̱na wa. Nyi tyai na kpa̱sai.