Աստվածաշնչի հայտնի հատվածներ A̱fisawa 4-ից

Կիսվել

Da̱ a̱kwonu a̱kya, nyi nyia̱ á̱ghyang shok, nyi fwuong kunak á̱ghyang, nyi chi a̱bun á̱ghyang, ma̱nang A̱gwaza mami mun á̱pyia̱ ma̱ng Kristi nchi a̱ka̱tuk nyia̱ nyin wu a̱ni.

Kuzang jen, nyi ni̱ ghyuai á̱pyia̱ nyin. Nyi yet á̱niet nyia̱ shonshyon, nyi bu yet á̱niet nyap nfwuo ma̱ng á̱ghyang. Nyi yok ba̱ng á̱ghyang mi̱ nfwuo mat a̱bun nang nyi bwuo á̱ghyang nyin dyo a̱ni bah, mat nyi chat á̱ghyang nyin bya.

Nyi yok ghwon a̱lyiat a̱ka̱tuk a̱lyiat ma̱ng a̱ngai na̱ ghwut mi̱ nunu nyin hu bah, si̱ ma̱ a̱lyiat na̱ yet a̱tan na̱ na beang, a̱wot na̱ tyia̱ á̱niet ba̱ fwuong na a̱ni gba̱gbak.

Nyi yok ba̱ng á̱ghyang mi̱ nfwuo, vwuot lyen, mwai lyen, a̱ngai, tyam á̱ghyang, ma̱ng kuzang tangka̱i a̱ka̱tuk nyia̱.

A̱wot ma̱nang á̱ ndyuut a̱ni, “Ka̱ nyi mwai lyen, nyi yok ghwon ku tyia̱ nyin nyia̱ a̱ka̱tuk nyia̱ bah.” Nyi yok ghwon mam ku kwa nang nyi ya a̱son ma̱ng mwai lyen bah. Mat mwai lyen ni̱ nwuak A̱ta̱nyeang ka a̱wat, ka̱ tyia̱ nyin nyia̱ a̱ka̱tuk nyia̱.

Mat a̱chuchuk tyiet nang nyi shya̱ tazwa Kristi a̱ni, ku myim nyi ghwon a̱khwukhwop a̱ka̱tuk za̱kwa, ma̱ng a̱ka̱tuk swat nyin wu di̱n jen ji ji̱ swak a̱ni, ma̱ng a̱ka̱tuk nshyuo a̱ ku laai nyin a̱wot a̱ si̱ byian swat nyin hu a̱ni. Da̱ a̱kwonu a̱kya, nyi yok A̱za̱za̱rak Ntswa wu a̱ shyak a̱di̱dam nyin wu ma̱ng swat nyin hu, ku tyia̱ fai. Nyi nwuo swat za̱kwa swai nang A̱gwaza nyia̱ ji̱ si̱ tai nggu a̱ni. Nyi yet á̱tsatsak, á̱tsotswat ma̱ng á̱za̱za̱rak á̱niet.

Nyi ni̱ nkwan ba̱t ma̱ng a̱mgba̱m chet nyin hu, nyi yong di̱ mun á̱pyia̱ nyin hu nang A̱za̱za̱rak Ntswa wu nwuat nyin a̱ni, mat swat nyinyang ma̱ng á̱ghyang.

Ma̱ninika, za̱náng chet jini ja nang Kristi nang á̱niet khwi nggu ba: Á̱ghyang a̱ nang mba za̱náng chet yet a̱yaata̱m, á̱ghyang a̱ si̱ nang mba yet a̱yaata̱m a̱kwonu A̱gwaza, á̱ghyang si̱ yet á̱niet shei A̱sham Nkhang ka da̱ a̱vwuo á̱niet nwai khwi Yesu, á̱ghyang si̱ yet á̱niet chok á̱niet khwi, a̱wot á̱ghyang si̱ yet á̱niet tyiet bya. Kristi nyia̱ a̱nia, da̱nian a̱ ka jhyi á̱niet A̱gwaza ba, ba̱ nyia̱ gu ta̱m da̱nian á̱ ka nok á̱niet khwi ba̱ yet kidee vam nggu ji a̱ni. Da̱nian a̱mgba̱m nzi̱t, zi̱ ya a̱son zi̱ shya̱ mun á̱pyia̱ di̱ nwuak a̱chuchuk nzi̱t hu. Zi̱ mbeang lyen Yesu a̱ yet Nggwon A̱gwaza ka a̱ni. A̱jawa zi̱ na ngyet a̱yaatat á̱ghyi á̱niet khwi di̱ mun á̱pyia̱ ma̱ng Kristi. A̱wot zi̱ na tai za̱kwa Kristi a̱ yet a̱jhyem ma̱ng a̱tsatsak a̱ni.

Ka̱ a̱nia wa, zi̱ bu yok nyia̱ nang a̱bachyuang mman na̱ nwai tat á̱ghyi a̱ni bah. Da̱ á̱niet tyiet bwoi a̱ka̱laa ba̱ na bwan nzi̱t ma̱ng kuzang tangka̱i tyiet fai bwoi a̱ka̱laa mba hu, nang wun ni̱ nhyap ja̱fi̱k a̱sa̱khwot ji a̱kibwan ndyo a̱ni bah. A̱wot di̱ tyiet á̱niet bwoi a̱ka̱laa hu si̱ mi̱n daai nzi̱t; zi̱ ghwon a̱tsatsak a̱lyiat wu, mat a̱ka̱laa ma̱ng mumwang mba hu, ku tai a̱tsatsak a̱lyiat a̱ni bah. Da̱ a̱kwonu a̱kya, zi̱ na shei a̱tsatsak a̱lyiat wu di̱ chat á̱ghyang, zi̱ laai mban di̱ kuzang vak, zi̱ tai za̱kwa Kristi ji, mat nggu wa yet a̱pyia̱ vam nggu ka, ku yet á̱niet khwi nggu ba a̱ni.