Népszerű bibliai igeversek innen: Mateo 6

Méxra̱ sa̱o chrókjuéyára ti kjuachaxin kuènté Díos la chrókjui̱nchexiteyára ti nkehe tjinkaon chꞌan, ndá jehe chꞌan tsjajon chꞌan kaín ti nkehe tsicháxi̱nhanra.

Méxra̱ chrókóxakuanhñara ti nkehe tso̱hen ndóye kixin ndóye la íjnko ña̱o tíha, la nkojnko ña̱o ti̱ka̱o ti kjuaxikaon kuènté.

’Méxra̱ ndáxrja̱n kixin chrókóxakuanhñara nkehe chrókjontera o̱ nkehe chrókꞌuira o̱ ti ika chrókꞌuítsa̱ra. ¿Á jehya a̱ntsí sínkí ti kjuachón chróchontara, ke ti nkehe sintera, la á jehya a̱ntsí sínkí ti cuerpo kuèntára, ke ti ika tsꞌítsa̱ra ní?

Méxra̱ jahara ti ó tsonixjehéra Díos la tꞌixe̱hénra ndo̱ara la tékjehéra ti puerta la nixjehéra Itꞌéni Díos, a̱ndá jehe chꞌan, ti nkexro tꞌikonhñani, la tihin chꞌan ti nkehe noxínhña tjánchíára, la tsjajon chꞌan tíha.

Méxra̱ ti ó tsonixjehéra Itꞌéni Díos itjen nkaya nka̱jní, la xi̱kihi chróndáchrora: Itꞌéni Díos, itjen nkaya nka̱jní, jaha ijnko nkexro imá tjóá. Chrokui ti kjuachaxin kuèntá. La chrókjui̱nchexiteyá ti nkehe tóxríhan ntihi chjasintajni éxi tjechꞌe nkaya nka̱jní.

Tjánjua ti nio̱tja̱ ticháxi̱hini nkojnko ña̱o.

Tꞌitjáñaha ti ijie̱ chóntani kixin jeheni kja̱xin tsꞌitjáñeheni ti nkehe jínahña kjuíchꞌehe chojni ti jeheni.

Ti̱toéhya kixin chrókjuasini ijie̱. Nchekaáni kixin ninkehó nkehe jínahña chrókóheni, kixin jaha mé chonta kaín kjuachaxin la této̱an nkochríxín. Mé xi̱kaha tso̱hen.

*’Ti jahara tsꞌitjáñahanra ti ijie̱ kjuásihanra nkojín nkexro, la kja̱xin Itꞌéni itjen nkaya nka̱jní tsꞌóxika chꞌan ti ijie̱ kjuásinra.

Tsjehéra ti koxroxe xritjaká. Jehe va la tꞌe̱nka̱hya va la ko tjáhya va la chóntahya va nketí tsꞌenka̱chjinañá va noa, kjánchó Itꞌéni itjen nkaya nka̱jní la tjajon chꞌan nkehe sinie va. A̱ndá jahara, ¿á jehya a̱ntsí sínkíra ke ti koxroxe ní?

*’Chrokjuásitonhñara nkehe tjete ntihi chjasintajni, kixin ntihi la itsꞌín ikué la tso̱chji̱sen la ko tsꞌitjáña kaín o̱ tsꞌixehen xíche̱e ndo̱ara la tseé. Ícha jína tjásitonra kaín ti nkehe tjete nkaya nka̱jní kixin ntiha la kohya iko sinchekꞌitjáña la ko tso̱chjisenhña, la kohya xíche̱e tsꞌixehen tseé. Kixin ti nkaya nka̱jní tsochontara kaín ti nkehe tjete la kja̱xin ntiha tsjakꞌe a̱sánra.

’Ninkexró xrokjuahya sichꞌehe ixra̱ yaá lamo. Ti náhí la tso̱nínkakohen ti ijnko lamo landá tso̱tjue̱he ti íjnko, o̱ a̱ntsí tsitekakohen ti ijnko lamo, landá kanhñó tsitekakohen ti íjnko. Méxra̱ xrokjuahya sichꞌeheni ixra̱ Díos ti tjinkaoni tsochóntani itsjé chichaon.

A̱ndá ti xi̱kaha nchekꞌitsá Díos ti kayoa siín nte̱je̱, kjónté ijie ó siín la ndóye tsoche nkaxehen itja̱ la, ¿á jehya a̱ntsí jína chrókjuintakꞌitsara chꞌan ní? ¿Ndá nkekuènté titekákonhñara?

Méxra̱ jahara ti tsjínki̱tsara nkojín nkexro nóa la ninkexró chenkahyara, kjónté nkojín nkexro imá tꞌitonra. Ti tsjájonra ichrén nkehe la ninkexró tso̱noehña, a̱ndá Itꞌéni itjen nkaya nka̱jní tsꞌikon xi̱kaha la tsotjáhara chꞌan ti nkehe jína tsjachara.

*’Chrókjuáko̱xínhñara nkojín nkehe jína jehó kixin tsꞌikon chojni ó. Ti xi̱kaha tsjáko̱xinra, la Itꞌéni itjen nkaya nka̱jní la ninkehó tsotjáhyara chꞌan.

’A̱ndá ti ña̱o sintehyara kixin tjinkáonra tsonixjehéra Díos, la jehya chrókꞌuejora éxi tꞌavára éxi ichꞌe ti chojni nkojinxónhña tjenka̱yáxin. Kixin jehe sin la xi̱kaha tja̱ko̱xi̱n sin kixin tjinkaon sin tsꞌikon chojni kixin kjoniehña sin. A̱ndá janhan ndáxrja̱n kixin jehe sin la ó kjuixin kꞌuáyéhe̱ sin ti nkehe tsjacha sin. A̱ndá jahara, ti ó sintehyara kixin tjinkáonra tsonixjehéra Díos, la tꞌontira ikonra la tjéntoára ikjára, kixin tso̱noehña chojni kixin kjontehyara. A̱ndá Itꞌéni Díos, ti nkexro nohe kaín nkehe, mé tsꞌikon chꞌan xi̱kaha la tsjajon chꞌan ti nkehe jína tsꞌayéhéra.