Vèsè popilè nan Bib la ki soti nan Yaˍkok 5

Pataje

Hingˉ pa nae, nawng pyo laˉ naeˉ uiˉ saˍ laiˍ, htiˍ hu nae htiˍ hu naˍ hokˍ ang si na maˍ lang yao, htiˍ hu saˍ laiˍ htiˍ hu ang buinˉ paˉ voˍ. Changˉ ang sui pawng ang buinˉ paˉ naeˉ ningˉ ngaˍ tanˉ hkoˉ ang ca maˉ manˉ yaˇ.

Nawng hkaoˉ veu changˉ htiˍ hu hu tuk hpan yao ca ngaeˉ laˍ. Yang na ang buinˉ paˉ biˍ vo. Changˉ htiˍ hu hu mawnˍ pyawˉ ngaeˉ laˍ. Yang na cheuˉ yao chiˍ mawng voˍ.

Yumˉ naeˉ hkaoˉ veu ang buinˉ paˉ naeˉ ningˉ ngaˍ changˉ daˉ mangˉ na pyo laˉ biˍ yao, Ang suingˉ Yeˍsuˆ yang na piˉ hta laˉ naeˉ yaˇ. Yang naˍ hokˍ ca baoˉ vaˍ, yang beu naˍ hokˍ hingˍ poiˉ biˍ naeˍ yaˇ.

Nawng hkaoˉ veu changˉ htiˍ hu hu baˍ ca baˍ duingˍ bui laˍ. Yaˇ Hkritˆ yanˍ ang muˉ awnˍ hoˉ yaˍ mangˍ uiˍ na haoˉ voˍ. Yawng ngaˍ, Ang suingˉ Yeˍsuˆ beu ang maengˉ na cuˉ yao, changˉ daˉ mangˉ na na manˍ laeˍ peunˍ biˍ yao, yang saˍ laiˍ ang buinˉ paˉ biˍ vo.

naˍ hokˍ ang yaˍ kaˉ ba yawˍ si laeˍ jiˍ na suiˍ langˉ laeˍ jiˍ maˇ, moˍ naˉ hokˍ veu ang hkawˍ laˉ htiˍ lumˍ htaiˍ awkˍ biˍ yao, naˍ hokˍ ang byaˍ hingˍ na Hpaˍcaoˍ naˍ hokˍ poiˉ nga biˍ byaˇ nae yang na bae biˍ vo.