Vèsè popilè nan Bib la ki soti nan Matie 26

Pataje

A 'nä ŋɔɔ ‑lä ‑yä a bhibhie ‑mä aa' kä ‑kä ‑zɔɔpälɩɩ' bhlüü! Ɔ lä 'wee! Plɛɛ ‑waa bhɛ 'flɛ, ‑mä 'yɛkɛɛ yɩɔ ‑cʋcʋ ‑kä!

'Nɩ ɔ yiwa soo, ɔ lä nyäkälɩɩ 'naa 'wugɔɔ ‑kʋ lä 'mnö nä, ɩ yi'i 'kwie 'kʋ fään. Nä, a ‑yä ‑amʋ 'sɔ kʋ ‑lää ‑yä aa' ŋɔɔ lä!

'Nɩ ɔ yiwa gwë ‑sä 'pɛpɛlɩä ‑yä ɔ 'kä bhibhie. Ɔ paa‑ ‑kokoowli glu, 'nɩ ɔ ‑gla 'wlu sä 'nɩ ɔ yi bhibhielɩ 'kʋ cie, ɔ lä 'oo! 'Bä, ɩ kä ‑kʋ nynä ‑mä nyäkälɩɩ' pliinɛ yi'i gwë ‑sä nä, ‑n gbä ‑yä ɛ ‑sä'ä gwë! ‑Naa nʋ ‑lä 'naa pɔlösaa, ‑mä ‑n nʋ ‑naa pɔlösaa!

A 'mnä ‑mä, ‑näna plöö‑ 'naa doluu! Dolunʋ 'mʋʋ‑ plöö‑ lä Mɛnʋ‑doluu ‑ʋ ‑jɛɛ lä bhutukpää' ‑za sä nä. Ʋ ‑jɛɛ sä ‑yä nyenyi 'kä cienöɔ.

Wa ‑kʋ lä lüdä nä, Zozii bhlüü‑ 'flɔɔbhë 'kʋ. Ɔ ‑bhään 'fɩa Laagɔ, 'nɩ ɔ yia 'mö ‑döödö, 'nɩ ɔ yia ɔɔ' 'kʋgënyʋa dëë. Ɔ lä a 'bhlü 'kʋ ‑yä a lü! A lü ‑mä, ‑näna plöö‑ 'naa 'yɛkɛɛ!

'Nɩ ɔ yi bʋkʋ divaa' pliie 'kʋ 'bhlü, 'nɩ ɔ yi Laagɔ bhään. 'Nɩ ɔ yiwanyɛ 'nyɛ, ɔ lä anyɩ 'fɩɩn a 'mnä!

Zozii 'ylɩbhɔ‑ 'nɩ ɔ ‑yiwa ylä yëku nä, ɔ lɔ wloo nä, wa ŋɔɔ. ‑Mä ɔ ‑soo Pɩɛlö, ɔ lä Pɩɛlö‑, ka ŋɔɔ wɛzä ‑a? Aa' ‑wʋ 'kwläkwlä sää mii‑ ‑yä 'gliye ‑bhloo' ‑za a 'kä 'yi welie‑ ‑mä ka ŋɔɔ ‑a?

N sonö'anyɩ nynä ‑mä, ‑a 'bhää ylä ‑zɩkä ‑lää 'kʋ nä, nn' ‑läyɩ bʋkʋ divaa‑gälönʋ 'mnä ‑aaa, 'nɩ ‑ɔnö yɩ ‑mɔɔ ‑a 'Bää 'Leyiduu 'mnöö‑. ‑Mɔɔ ‑tɛɛ n ‑yä anyɩ 'sɔ 'kä ylä divaa' ‑lɛɛ lëlë 'mnää.

'Nɩ Pɩɛlö yi luë nynä ‑mä Zozii ‑sonöɔ bhä. Kä Zozii' ‑sonöɔ bhlä nynä ‑mä Pɩɛlö‑, 'sabonö ‑bhlobhlo, 'fɩa ‑yä zözädö‑kɔkwɛɛ 'kä wälɩ 'pää nä, ‑n yi'i 'fɩa 'ci taa cɛnö nynä ‑n nö'ö ‑wʋ ‑yi. Ɔ ‑luë bhɛ lä ‑lɔɔ' 'klüü 'kʋ nä, ɔ wlʋʋ‑ ‑zɔɔ 'nɩ, ɔ tuu‑ sää 'titi.

A ‑bha 'kʋ ‑a 'gä mʋ ‑mä 'naa pëënyɔɔ 'mɔɔ‑ yi lä!

'Nɩ Zozii yio soo, ɔ lä ‑n tlʋʋ ‑naa ‑jlɛɛ' tʋkpää' ‑mä, ‑ɔ bhlü lä ‑jlɛ 'kʋ 'nɩ ‑ɔ bhlä lä nyɩkpɔ nä, ‑jlɛ wa bhlü 'sɩɩ 'kʋ 'nɩ wa bhlɔɔ.