Vèsè popilè nan Bib la ki soti nan Mataji 26

Pataje

Lino muvedzage mîho, mulapangilage, ukuta uńeńe ulugemyo lutane ukuvagwila. Umubepo (gwa mugati) ugo hugo gwidike, ijene ińama ja muvili ijo ndzilangufu.

Neke baho avalongelage atigilage: umutima gwangu guńeṅemye uvuhuguvafu, ndili ngita ndifwe kukufwa. Neke atigilage: uńeńe mwikale baha, munange najuńe, ulwa kuva mîho twivonda.

Neke umwene ikwegage padebe hela neke baho agundamagepasi neke alapangilage atigilage: ve dâda, ikińwelo iki, ngana kili vudzumbo ukwangu, abo kidzumbe, neke lwa kiki, lwe ndikelye unene, mańi juve, lwadzage lulo, lwe ukelye juveve.

Pakuva je danda jangu ja lufingo, ijikuvitikilaga avolofu, kwe dzivodzehedzwa indzanangifu.

Neke baho, pe vikola mukulya, neke baho Jesu inulage uvugali neke ahongedzage, neke ame-guliṅasage neke avapelage avańigendwa vakwe neke atigilage: kote mulidzage, uvwene uvu gwe muvili gwangu.

Neke inulage na ki kińwelo neke ahongedzage neke avapelage neke atigilage: kote muńwe-dzage mwivonda.

Neke apilukilage, pe āvalekile avańigendwa vakwe neke adzage avone vagonelye. Neke baho alongage nu-Petele neke atigilage: humbi ve mulivo? pavalemile ukuva mîho napasala jimwinga hela?

Neke lino unene ndikuvalongela: ukuhuma kuneṅuli unene sindilavuja mbwile ukuvuńwa uvutoṅoni uvu ukufika kukigono, kye tuladzińwelanila uvupya hela kuvutwa vwa dâda kukyâńa najune najuńeńe.

Neke baho Petele image nukukumbuka ilidzwi, lye amupavye u-Jesu, lye atigye: pe jisina jivanga indzogolo, uveve ve uńanile kadatu unene, neke baho ahumilage kwivala neke akole mukuvemba amohodzi, agidinda na kusingo.

Mwimage tuhelelage, afike umuńa-kumbulila unene.

Neke baho Jesu atigilage: ugomohedzage ikyūfya kyako mukigono kyakyo. Ndivwene vonda, avihumya imigoha, navo valafwa gu mugoha.