Die wegrapingExemple

Is daar ander wegrapings in die Bybel?

Henog en Elia is bekend vir die feit dat hulle nie gesterf het nie, maar deur God na die hemel opgeneem is. Henog word genoem in die geslagsregister van Adam in Genesis 5:24 (NLV): “Henog het sy lewe lank baie naby aan God gelewe. Toe het hy verdwyn, want God het hom weggeneem.” Hebreërs 11:5 (NLV) sê vir ons “nog voordat Henog weggeneem is, is van hom getuig dat hy God se goedkeuring wegdra”. En dit is hoekom Henog weggeneem is. Ons weet nie hoe Henog weggeneem is nie, net hoekom.

In 2 Konings 2 lees ons dat Elia ook deur God weggeneem is, maar dit het voor die oë van ’n ooggetuie gebeur, sy leerling, Elisa. Elisa het God se wa van vuur gesien wat Elia in ’n stormwind kom haal en in die hemel opgeneem het.

Hierdie twee mans is na die hemel weggevoer op dieselfde manier as wat die kerk weggevoer sal word. Ook ons sal weggeneem word om dieselfde rede as Henog – omdat ons “in Christus” is en naby aan Hom leef.

Hierdie vrae en antwoorde is geneem uit PROFESIEË OOR DIE EINDTYD deur Amir Tsarfati en Barry Stagner © Christelike Uitgewersmaatskappy.