Logo YouVersion
Îcone de recherche

Matayo 18

18
Nguni mupati wamu-Bwami bwakujulu?
(Marko 9:33-37; Luka 9:46-48)
1 # Lk 22:24 # Mk 9:33-47; Lk 9:46-48 Kuciindi eco nciconya basikwiiya bakaswena kuli-Jesu, bakati, Ino nguni mupati mu-Bwami bwakujulu? 2Mpawo wakaita kana, wakakaimikizya akati kabo, 3#Mk 10:15; Lk 18:17; Mt 19:14; Joh 3:3-5wakati, Ncobeni ndamwaambila kuti, Mwataakusanduka akuba mbuli twana, tamukooyoonjila pe mu-Bwami bwakujulu. 4Nkaambo kaako umwi aumwi uulibombya mbuli kana aka nguwenya uuzooba mupati mu-Bwami bwakujulu. 5#Mt 10:40; Joh 13:20Alimwi umwi aumwi uutambula kana nikaba komwe kali boobu muzina lyangu watambula ndime. 6#Lk 17:1,2Pele umwi aumwi uulebya naba omwe akati kabaniini aba basyoma ndime, kulabota kulinguwe kuti aangwe iziyo ipati kunsingo yakwe akubbizigwa mumaanzi malamfu aamulwizi. 7Maawe bantu baansi nkaambo kazilebyo. Zilebyo zileelede kuba ncobeni, pele maawe muntu oyo uuleta cilebyo. 8#Mt 5:29,30Kuti ijanza lyako nanka cituta cako kacikulebya, cikosole ucisowe, nkaambo kulakubotela kuti unjile mubuumi, nikuba kuti koli cilema nanka kotyokede, kwiinda kuwaalwa mumulilo uutazimi nekubaboobo ucili amaanza obile amaulu obile. 9#Mt 5:29­Alimwi liso lyako kuti kalikulebya, lidadule, ulisowe, nkaambo kulakubotela kuti unjile mubuumi nikuba kuti koli sicimbolyo kwiinda kuwaalwa mumulilo wamu-Gehena nocili ameso obile. 10#Heb 1:14Amucenjele, Mutasampauli umwi akati kabaniini aba, nkaambo ndamwaambila kuti kujulu baangelo babo baleebela lyoonse busyu bwa-Taata uuli kujulu. 11#Lk 19:10Nkaambo Mwana a-Muntu wakaboola kukufutula abasweekede. 12#Lk 15:4-7Muyeeyanzi? muntu kajisi imbelele zili mwaanda, nkabela imwi akati kazyo yapambuka, sa tasii zili makumi aali musanu aane aali amusanu azine kuti aye azilundu, ayandaule eyo iipambukide. 13Nkabela aijana, ndamwaambila ncobeni kuti ulakondelwa njiyo kwiinda ezyo zili makumi aali musanu aane aali amusanu azine izyatakapambuka. 14Mbuboobo Usowanu uuli kujulu tayandi kuti afwidilile naba umwi akati kabaniini aba.
Mbutweelede kucitila mukwesu atubisizya
15 # Lk 17:3; Lev 19:17; Gal 6:1 Kuti munyoko wakubisizya, uye umwaanze alike. Kuti waswiilila, ulijene munyoko. 16#Dt 19:15Kuti takuswiilili, uye ubweze muntu omwe nanka bobile, kuti makani oonse akosolwe kumilomo yabakamboni bobile na botatwe. 17#1 Kor 5:13Lino kuti tabaswiilili abalo, ambila imbungano. Kuti taswiilili imbungano, abe kulinduwe mbuli muhedeni nanka simutelo. 18#Mt 16:19; Joh 20:23Ncobeni ndamwaambila kuti zyoonse nzimuti kaange ansi ziyooangwa kujulu, azyalo zyoonse nzimuti kaangulule ansi ziyooangululwa kujulu. 19#Mk 11:24Alimwi ndamwaambila kuti bantu bobile akati kanu nimukala ansi nibazuminana antoomwe kukukumbila makani aali buti, banoopegwa kwa-Taata uuli kujulu. 20#Mt 28:20; Joh 14:23Nkaambo nkubabede bantu bobile nanka botatwe babungene muzina lyangu, nkukonya oko nkumbede ambebo akati kabo.
21 # Lk 17:3-4 Lino Petro wakaboola, wamwaambila wati, Mwami, kuti mukwesu wandibisizya, ziindi zyongae nzenti kamulekelele? sa nkusikila kumusanu azibili? 22Jesu wamwaambila wati, Nsikwaambili kusikila kuziindi zili 7 pele kusikila kuziindi zili 70 x 7. 23Nkaambo kaako Bwami bwakujulu bulikozyene amwami iwakayanda kulingula makani aabazike bakwe. 24Lino naakasaanguna kulingula kwakamuletelwa umwi uujisi mulandu wamatalenta aali zyuulu zili ikumi. 25Nkabela mbwaatakajisi cakuliya, mwami wakwe wakalailila kuti auzigwe, amwanakazi wakwe abana bakwe azintu zyoonse nzyaakajisi, kuti mulandu umane. 26Mpawo muzike wakawida ansi, wamukomba, waamba wati, Mwami undikazikile moyo, nzookuliya oonse. 27Lino mwami wamuzike oyo wakafwa luzyalo, wamuleka, wamujatila mulandu. 28Pele muzike oyo naakazwa, wakajana umwi muzikenyina uujisi mulandu kulinguwe wamasheleni aali mwaanda. Lino wakamujata, wamusina, waamba wati, Liya mulandu wako. 29Mpawo muzikenyina wakawida ansi, wamukumbila, waamba wati, Ndikazikile moyo, nzookuliya. 30Nekubaboobo wakaka, waya, wamubika muntolongo, mane lumwi akaliye mulandu. 31Lino bazikenyina nibakabona obo, bakausa loko, nkabela bakaya kuyoopandulwida mwami wabo makani oonse. 32Mpawo mwami wakwe wakamwiita, wamwaambila wati, Uwe muzike mubi! ndakakulekelela mulandu oyo woonse nkaambo kakuti wakandikumbila. 33Sa teewakeelede ayebo kufwida luzyalo muzikenyoko, mbuli ndime mbundakafwida nduwe luzyalo? 34#Mt 5:26Elyo mwami wakwe wakakalala, wamwaabila basintolongo mane do naakaliya mulandu woonse. 35#Mt 6:14,15Mbubonya obo alakwe Taata uuli kujulu mbwazoomucitila nywebo kuti tamulekeleli nyoonse bakwanu camumyoyo yanu.

Sélection en cours:

Matayo 18: Ibbaib63

Surbrillance

Partager

Copier

None

Tu souhaites voir tes moments forts enregistrés sur tous tes appareils? Inscris-toi ou connecte-toi

YouVersion utilise des cookies pour personnaliser votre expérience. En utilisant notre site Web, vous acceptez l'utilisation des cookies comme décrit dans notre Politique de confidentialité