Marko 2
2
Jesu uno chija nhu waka honyana makanyu
1Wakaɓuya akangwina muKapernaume mushule kwa mazhuɓa; kwakawhikana kuti, umungumba. 2Ƃakaɓungana nokukambijisa ɓanji, kukashayika ɓugalo, kana pankoɓa; akaɓaɓuja iwhi. 3Ƃakaɓuya ɓakaɓuza unhu kwaali unhu waka ɓa enaɓu palario, akasengwa naɓanhu ɓanna. 4Feno ɓakati ɓesinokona kusendela kwaali nokuda kwaɓanji, ɓakapfukunula idenga paakaeli; ɓakati ɓali pfukunula, ɓakabulusa nhoɓo, paaka alilele unhu waluɓa noɓupalario; 5Jesu wakati aɓona kutenda kwaɓo, akati kunoyo unaɓupalario: Mwana, wakanganililwa zwiɓi zuzo. 6Feno ɓamwe ɓakwali ɓaka‐aɓaligele yoomo, ɓakalangalila mumyoyo yaɓo, ɓeti: 7Yoyu unoleɓani na kudalo? Unotuka Mwali, ndiyani na unokona kukanganilwa zwiɓi, asi umwe empela chete, ndiye Mwali? 8Pakalepo Jesu ezuziɓa mumoyo uwe kuti ɓanolangalila alo mumyoyo yaɓo, akati kuɓali: Munolangalilani na zwinhu yezwi mumyoyo yenu? 9Ini na chakalelupa, kuti kuna unaɓupalario: Wakanganililwa zwiɓi zuzo, kana kuti: Milika, tola nhoɓo jijo, ukwende? 10Asi kuti muziɓe kuti Mwananhulumyana wonhu unesimba penyika lyokukanganilila zwiɓi, akati kunhu unaɓupalario, 11Ndinoti kwauli: Milika, tola nhoɓo jijo, unde ku ngumba yiyo! 12Pakalepo akamilika, akatola nhoɓo, ndokubuda pambeli paɓo ɓose; neezo ɓose ɓakashamiswa, ɓaka kuja Mwali, ɓeti, Atijanu tikaɓona zwakadai.
Ku shobwa kwa Levi
13Wakabuda akaale akenda kugungwa; ɓanji ɓose ɓakaɓuya kwaali, akaɓalayija. 14Wakati echinopinda akaɓo na Levi, mwana wa Alfeo, eligele panoteleswa, akati kwaali: Nditoɓele. Akamilika, akontoɓela. 15Feno wakati eligele pakulya, mumba mumwe, ɓatelesi ɓanji naɓanochinya ɓakagala na Jesu naɓalayijwa ɓaɓe; nokuti ɓaluɓa ɓakawanda ɓakontoɓela. 16Ƃakwali naɓaFarisi ɓakati ɓombona elyanaɓachinyi naɓatelesi, ɓakati kuɓa layijwa ɓaɓe: Undayiji unolyilani naɓa telesi nozuchinyi? 17Jesu wakati awha, akati kuɓali: Ƃasinolwala haɓatopota nganga, asi ɓano lwala; handijakezhila kushoɓa ɓakalulama, asi ɓachinyi.
Ku kwija kulya
18Ƃalayijwa ɓaJohane naɓaFarisi ɓaka‐ɓezwikwija kulya; ɓakaɓuya ɓakati kwaali: Ƃalayijwa ɓaJohane naɓalayijwa ɓaɓaFarisi ɓanozwi kwijilani na zokulya, asi ɓalayijwa ɓenu haɓato zwikwija neni na? 19Jesu akati kuɓali: Makamu Onkwasha angazukwija kana unkwasha ɓeli naye na? Haɓanga zukwije zokulya kana unkwasha eli kuɓali. 20Asi mazhuɓa ano‐swika, acho‐biswa unkwasha kuɓali; feno nonshaji yoyo ɓano‐zukwija zokulya. 21Akuna unhu unopfumila chipaɓo chipya penguɓo yakashakala, nokuti chipaɓo chipya chino jelula nguɓo yakashakala, inyanye kujeluka. 22Hakuna unhu unodila iwaini bya mu hali yantolo; nokuti iwaini linopalusa ihali, iwaini nehali jinofa, asi iwaini bya linodilwa muhali mpya.
Jesu She we Saɓata
23Kwakati nonsi wesaɓata, ekwenda pakati peminda, ɓalayijwa ɓaɓe bakatanga kupulula mapfunde ɓekwenda. 24ƂaFarisi ɓakati kwaali: Ƃonani, ɓanotilani zusakavumijwa kuta nesaɓata? 25Akati kuɓali: Hamujaka ɓala kani zwakatiwa na Davidi, munsi waaka epota elinezhala, iye naiɓo ɓaluɓa naye? 26Kuti wakangwina mungumba yaMwali, Abiatari eli umpristi nkulwana, akalya zunkwa zokuɓonesa zwaluɓa zusaka vumijwa kulyiwa, asi naɓa pristi ɓoga, akapaɓo ɓaluɓa naye? 27Wakati kuɓali: Saɓata lyakatilwa unhu, unhu haajakatilwa saɓata; 28Neezo Mwana nhulumyana wonhu ndiye She wesaɓata ɓo.
Sélection en cours:
Marko 2: NMQMRK
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Published by the British and Foreign Bible Society 1961.
