Marko 1
1
Johane u Mbabatisi ne nyaya yiye
1Kutanga kwe Ndeɓo mbuya yaJesu Kristu, Mwana nhulumyana waMwali.
2Soɓuzwa‐zwakakwalwa mumpolofita Isaya, kuwhi:
Liinga, ndinotuma unyayi wangu pambeli papo,
Unoku lulamisila zila yiyo;
3Iwhi lyouno shoɓa mushango,
Lulamisani zila yaShe,
Lulamisani migwagwa yiye.
4Johane wakaɓuya ebabatisa mushango, epupula lupupulo lokushanduka ɓekanganililwe zuɓi. 5Nyika yose yeJudia, naɓe Jerusalema ɓose ɓaka budila kwaali, ɓakababatiswa naiye mulwizi lwe Jordani, ɓezwileɓulula zuɓi zwaɓo. 6Johane wakaɓa akambala inguɓo yoɓukuse ɓwekamela, nebanti lyeganda munshana uwe; wakaɓa elya mhashu noɓuchi ɓomushango. 7Wakapupula eti, Shule kwangu kunoɓuya umwe unesimba kupinda imi, wandisa kakwelela kukotama kuti ndisungunule unchili weshangu jije. 8Imi ndakamubabatisa ne mhoswi, asi iye unomubabatisa noMpepo Wakashambijika.
Ku babatiswa kwa Jesu
9Mazhuɓa iwayo Jesu wakava ku Nazareta muGalile, akababatiswa naJohane mu Jordani. 10Pakalepo echinobuda mu mhoswi, ɓakaɓona denga lizhulwa, noMpepo ubelukila panhsolo uwe senjiɓa. 11Iwhi likava kudenga, likati: Ndiwi Mwana nhulumyana wangu unodikanwa, ndino kushanhila.
Ku kwejwa kwa Jesu
12Pakalepo uMpepo wakombudisila mushango. 13Akaɓa mushango mazhuɓa makumi mana, ekwelwa naSatani; wakaelipamwe nemhuka, wakakujwa ne ngilozi.
Jesu uno tangisa nshingo uWe
14Johane wakati asungwa, Jesu akaswika kuGalile, epupula Indeɓo mbuya yaMwali, 15eti: Unshaji wazha jiswa, ɓushe ɓwaMwali ɓwasendela pelyo; shandukani, mutende Indeɓo mbuya.
Ku shoɓwa kwa ɓalaijwa ɓo kutanga
16Wakati echinokwenda pagungwa, lyeGalile, akaɓona Simoni, naAndrea ununa waSimoni, ɓeposa ivuɓo mugungwa, nokuti ɓaluɓa ɓavuɓi ɓehoɓe. 17Jesu akati kuɓali: Ndito ɓeleni, kuti ndimute ɓavuɓi ɓaɓanhu. 18Ƃakasiya vuɓo lyaɓo pakalepo, ɓakontoɓela. 19Wakati apinda zwishomanana, akaɓona Jakoɓe, mwananhulumyana waZeɓedi, naJohane ununa uwe, ɓeluka ivuɓo mugwa. 20Akaɓashoɓa pakalepo, ɓakasiya tate ɓaɓo Zeɓedi mugwa naɓalanda, ɓakontoɓela.
Jesu uno chija nhu waluɓa no mweya woɓu mwali
21Ƃakangwina muKapernaume; pakalepo munsi we saɓata akangwina musinagogo, akalayija. 22Ƃaka shamiswa nokulayija kukwe, nokuti wakaɓalayija sonhu unesimba, esinota saɓakwali. 23Musinagogo lyaɓo mwaluɓa nonhu waluɓa nompepo weshambwa, wakashoɓelela, 24eti: Tina ndandu weni na nemwi, Jesu weNazareta? Mwezha kootipalaja kani? Ndinomuziɓa kuti ndimwi ani; muli Wakashambijika wa Mwali. 25Jesu aka‐umbuja, akati: Nyalala, ubude kwaali! 26Umpepo weshambwa ukomfundilija, akashoɓelela newhi gulwana, ndokubuda mwaali. 27Ƃakatya kasa ɓose, nezwakadalo ɓakata nyaya, ɓeti: Ini na yechi? Kulayija kupya kunesimba! Unoɓuja kojoɓa umpepo weshambwa ukonwhilila. 28Pakalepo indeɓo yiye ikawhika penyika yose ye Galile.
Jesu uno chija amezwale ɓa Petro na ɓamwe ɓanji
29Pakalepo ɓakati ɓebuda musinagogo, ɓakangwina mungumba ya Simoni naAndrea, Jakoɓe naJohane ɓelinaɓo. 30Amai ɓonkaji waSimoni ɓaka‐ɓalilele ɓelwala, pakalepo ɓakombuja yezo. 31Wakenda, aka ɓabata noluɓoko, akaɓamusa; ɓulwaji ɓukaɓaleka, ɓakamilika ɓakonkuja.
32Madekwana, izhuɓa lyamila, ɓakaɓuza kwaali ɓose ɓaka ɓelwajilwa, naɓaka ɓeli nemipepo miɓi. 33Unzi wose wakaɓungana pankoɓa. 34Akachija ɓanji ɓakaɓelwajilwa noɓulwaji ɓwaka siyana siyana, akabudisa mipepo miɓi minji, esinovumija mipepo miɓi kuleɓeleka, nokuti yakonziɓa.
Jesu apeja ku teɓula, wakenda ku Kapernaume
35Mangwana, kuchiku tema, akamuka akabuda, akenda kuɓugalo ɓomu shango, akandoteɓula kwakale. 36Simoni naɓaluɓa naye, ɓakontoɓela. 37Ƃakongwana, ɓakati kwaali: Ƃose ɓamukumupota. 38Akati kuɓali: Ngatindeni kumwe kumisha ipelyo, kuti ndinopupula kwakale ɓo, nokuti ndizo zundakaɓuyila. 39Wakenda, akapupula mumasinagogo aɓo peGalile lyose ebisa mipepo miɓi.
Jesu uno chija nhu una mapele
40Feno unhu unamalepero akaɓuya kwaali, akapfigama pambeli pape, akati kwaali: Kana muda, munga ndishambuluja. 41Akonwhila ishe, akatambunuja luɓoko lulwe, akombata, akati kwaali: Ndinoda, ishambijika. 42Pakalepo malepero akava kwaali, aka shambulujwa. 43Feno wakombuja kasa, akati inda feno. 44Akati kwaali: Chenjela kuti uleke kuɓuja ɓanhu chinhu yechi; asi inda uzwiɓonese kumpristi, upilije sokushambulujwa kuko, yeezo zwaakalayilwa na Mosesi, chiɓe chisumikijo kuɓali. 45Asi iye waka buda, akatanga kuzwiɓuja ɓanhu ɓanji, nokupupula iwhi yeli, nezwakadalo Jesu haajaka kona kungwina munsha pachena, asi waka eli kuzhe paɓugalo ɓomushango; ɓakaɓuya kwaali; ɓeva kuɓugalo noɓugalo.
Sélection en cours:
Marko 1: NMQMRK
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Published by the British and Foreign Bible Society 1961.
