2 Yohan 1
1
Shvwé kà
1-2Shvngø̀mré roqshúpè ngàí, shóngnøt vjø̀:ngí shù:ngì we Gvrayí rvhiqshaq vshaqmè nv̀ng àngcèrì sv̀ng shvrikàru vrongvtnòe. Dìnglòng nø nøngmaq vdòng vl nø̀ nøngmaq nv̀ng dvciqlvpat vle. Wervt ngà wa mvtaq dìnglòng sv̀ng sháò rì shvngbe gø nàmaq sv̀ng shóngshìe. 3Vpè Gvray nv̀ng Àngcèpè Yesu Kristu yv́ngkèní jejú, mvréza lòng nv̀ng mòngzø̀l lòng nø, dìnglòng nv̀ng shóngnøt taq cúnshàì we nøngmaq nv̀ng tiqdø laq vl daq.
Dìnglòng nv̀ng shóngnøt taq cúnshì we
4Vpè Gvrayí dèká:mì dø tiqdvchá, nvcèrì tiqmaq nø dìnglòng taq cv̀n we sv̀ng ngàí yv̀ng bǿngà rvtnø̀ gvzà dvbònge. 5Vshaqmèá, nøngmaq tiqgǿ nø tiqgǿ vshòngkelv́m nà sv̀ng dvshatnvtne. Yalòng nø dvkv́mkà àngshv́r tiqlòng vrongò we mø̀í. Nv̀mlat kèní lún yv̀ngshà we dvkv́mkà íe. #1Yh. 2:7 6Shóngnøt nø Gvray dvkv́mkàrì cà:nò lòng sv̀ng wae. Nv̀mlat kèní nàmaqí ètá yv̀ngshà we dvkv́mkà nø shóngnøt taq cúnshìlv́m lòng íe.
Shvmànshúrìò kà sv̀ng vto mvdaq we
7Yesu Kristu nø shagóng shvléshì daqì lòng sv̀ng màchà:ngò we shvmànshú mvme nø rvgaqtø̀m taq bungá:mì. Wedø màchà:ngò gǿ nø shvmànshú nv̀ng Kristu sv̀ng vtúshú íe. #1Yh. 2:18; 4:1-3 8Nøngmaq dvzaqshì bǿshà rì mvsǿmlv́m nv̀ng zìbè dv̀nzø̀ng dø lúnlv́m dvpvt pán nàshatnø̀ng. 9Kristuí shvngøt we mvshǿl sv̀ng màcv́nshaq, lø̀m vle divm we kagǿ ínìgø, Gvray nv̀ng màzø̀m gǿ íe. Kristuí shvngøt we mvshǿl sv̀ng cà:nò gǿ nø, Vpè nv̀ng Àngcèpè ó vzø̀m gǿ íe. #1Yh. 2:23 10Mvdøng mvman mvshǿl shvngø:tnò we vsv̀ng tiqgǿgǿ nàmaq yv́ng la di ra nìnø, chø̀m sv̀ng mènàtonø̀ngni, pàmvrà gø mèvlnø̀ngni. 11Pàwá wani àng sv̀ng pàmvrà a:lò gǿ nø àng bv̀nlì mvgv́mrì taq mvngú we íe.
Lv̀ngdø̀m kà
12Nàmaq sv̀ng vrulv́m gvzà vl we, mèsò nv̀ng cìnaqí nø vru màmvyǿng. Nøngmaq dvbùnøt dv̀nzø̀nglv́m dvpvt, nàmaq yv́ngsv̀ng døng rang nø̀ mv̀rshv̀m vhø:mì sórí dvmv́n lúnlv́m vlǿmshø̀nge. #3Yh. 1:13 13Yayv́ng vl we Gvrayí rvhiqshaq nvnvmmèò#1:13 “Nvnvmmè” nø Yohan vl we shvngø̀mré sv̀ng wae. àngcèrìí gø nà sv̀ng pàmvrà wae.
Sélection en cours:
2 Yohan 1: GSM
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2025 Rvcv́ngcè Kàru Gomidi Kristu Shvngø̀mré. All Rights Reserved.