SEEMTIRNAK 2
FCL
2
1Cuticun leilung siseh van tla siseh, lei parih a ummi hmuahhmuah le van ih a ummi hmuahhmuah thawn Pathian in a tuah òheh. 2Ni ruk sungah Pathian in a hnaòuan cu a òheh ih ni sarih ni ah a hnaòuannak ihsin a cawl. 3A hnaòuanmi a òheh ih a ni sarihnak ah a colh ruangah Pathian in cuih ni cu thluasuah a pek ih ni sunglawi ah a canter. 4Lei le van a tuahnak thuhla cu cubangtuk in a si.
Eden Hmuan
5 Bawipa Pathian #2.5 Bawipa Pathian: timi hi Hebru òong in ð Yahweh elohimó an ti ih Seemtirnak cabu sungah a hmaisa bik kan tonnak a si. ð Yahwehó timi hi Israel mi pawl cun Pathian ih hmin a si, ti ah an zum ih Bawipa ti-in kan let. in lei le van a tuah òheh tikah lei parah thing le hrampi a um lo; thlaici keuh ding khal a um hrih lo; ziangahtile Pathian in ruah a surter hrih lo. Leiram òuantu dingah milai khal an um hrih lo. 6Ruah a sur hrih lo na'n leilung sungin ti a put ih leilung cu a hnawngter òheh.
7Cun Bawipa Pathian in leidip a lak ih milai ah a tuah. A hnar sungah nunnak thaw a vun thawt ih minung ah a cang.
8Cun Bawipa Pathian in nisuahnak lamih a ummi Eden ah hmuan a tuah ih acuih hmuanah cun a tuahmi minung cu a umter. 9Rah òha a rahmi le a mawi zetzetmi thingkung a phunphun acuih hmuanah cun a keuhter. Hmuan laifangah nunnak thingkung, a òha le a sia theihthiamnak thingkung khal a keuhter.
10Cun hmuan hnawngtertu dingah Eden ihsin tiva pakhat a luang ih hmuan leng a thlen tikah tiva pali ah a òhek aw. 11Pakhatnak tiva ih hmin cu Pishon a si ih Havilah ram kimvelah a luang. Havilah ram ahcun sui a um. 12Havilah ram ih sui cu sui phun òha a si ih thingthling mankhung le Oniks lungvar sen tla an um. 13A pahnihnak tiva cu Gihon a si ih Kush ram kimvel ah a luang. 14A pathumnak tiva cu Tigris a si ih Assiria ram nisuahnak lamah a luang. A palitnak tiva cu Eufrates a si.
15Cun Bawipa Pathian in a seemsuah mi pa cu loram òuantu le kilkhawitu dingin Eden hmuan ahcun a umter. 16Pathian in a hnenah, öHmuan sungih a ummi thingrah hmuahhmuah na ei thei; 17asinain a òha le a sia theihthiamnak thingkung ih rah cu na ei hrimhrim lo pei. Na ei asile na ei ni in na thi ding,” ti ah a sim.
18Cun Bawipa Pathian in, öMinung hi amah lawngih a um ding cu a rem lo; amah bawmtu ah rualpi ka tuahsak ding,” a ti. 19Cule Pathian in leilung a lak ih ramsa a phunphun le vate a phunphun ah a tuah ih ziangtin a ko pei ti ah cu pa hnenah cun a fehpi hai. Cule cu pa in hmin a rak sak ciar vekin an hmin ah a cangta. 20Cuticun cu pa in hramlak ramsa siseh, innzuat sumhnam le van ih a zammi vate hmuahhmuah siseh hmin a sak hai a si. Sikhalsehla amah ih hrangah bawmtu le rualpi a um hrih lo.
21Curuangah Bawipa Pathian in cu pa cu ihhmuh thawzetin a itthatter ih a ihthat sungah a hnakruh pakhat a lak ih a titsa in a phih sal. 22Mi pa sung ihsin a lakmi hnakruh cun nunau a tuah ih mi pa hnenah a ratpi. 23Cuih mi pa cun,
öAtu lawngah maw keimah vek minung,
Ka ruh in tuahmi ruh,
Ka titsa in tuahmi titsa ka ton.
Mi pa sungin lakmi a si ruangah,
Mi nu tiin kawh siseh,” ti ah a ti.
24Cuti a si ruangah mipa in a nu le a pa a taanta ih a nupi thawn an kom-aw. Cutiin tisa khatah an cang. 25An pahnih in lawngfangkheh in an um naón ningzah an thiam lo.

© Bible Society of Myanmar 2011

En savoir plus sur Falam Common Language Bible