KUTUHUKA 26
26
1Chikwo nawa, ukatunge tabernakulu ni kumi lia mahina, mahina apema atoma, ni alauluka, ni a ufungo, ni a ngengu. Ukaole ni akerupimi, chitanga cha chilangaji. 2Usuhe wa hina ni hina ukapwe makumi aali a mbandu ni mbandu nake. Utohe wa hina ni hina ukapwe mbandu jiwana. Mahina eswe akapwe a cheseko chimuwika. 3Akatolokenye hamuwika mahina atano, limwe ni likwo ni likwo, mba mahina atano akwo akaatolokenye hamuwika limwe ni likwo ni likwo. 4Kuze ku ukundwilo wa lie hina lize Hatwama ku unungino utangu ukatongeleko maswi a hina lilauluka. Chizechene ukatonge ku ukundwilo wa lie hina lize Hatwama ku unungino wamuchiali. 5Ukatongele ku hina limwe makumi atano a maswi. Ukatongele nawa makumi atano akwo a maswi ku ukundwilo wa lie hina Hatwama ku unungino wamuchiali. E maswi akalitalangane. 6Ukafule nawa makumi atano a sepe ja oru. Ukasepeke ni je sepe mahina hamuwika, ye tabernakulu yikapwe ye yimuwika lume.
7Ukatunge mahina a uzangi wa pembe, akapwe mbalaka helu Ha ye tabernakulu. Ukatunge kumi lia mahina ni hina limuwika. 8Usuhe wa hina limuwika ukapwe makumi atatu a mbandu. Utohe wa hina limuwika ukapwe mbandu jiwana. Mahina eswe, kumi ni limuwika, akapwe a cheseko chimuwika. 9Ukasepeke mahina atano ukawo; mahina asambano ukawo. Ukazembule hina liamuchisambano kulutwe lia mbalaka. 10Ukatonge makumi atano a maswi ha ukundwilo wa lie hina lize Hatwama ku unungino; ni makumi atano a maswi ha ukundwilo wa lie hina lize Hatwama ku unungino wamuchiali.
11Ukafule makumi atano a sepe ja unengu ukaswike je sepe ku maswi. Ukasepeke mbalaka hamuwika, yikapwe yimuwika lume. 12Mba hina mulizembuka, Ha kulitulako lia ku mahina a mbalaka, chihanda chize cha hakachi cha hina cha kulitulako, chikazembukile kunyima ya tabernakulu. 13Mbandu yino ya hina ya ku lumbu limwe, mba mbandu yikwo ya ku lumbu likwo ya ku hina lize mulitulako Ha ku usuhe wa mahina ja mbalaka, yikazembukile malumbu ja tabernakulu ni lumbu lino ni lumbu lize mukuyifuka. 14Ukatonge chifuko cha mbalaka ni malambu a kuji a mapanga a kulomba achila, mba helu liacho chifuko cha malambu a yipanyundu.
15Ukapule matabua a tabernakulu a mutondo wa mukesha nikwamika kachinjolo. 16Usuhe wa tabua ni tabua ukapwe wa kumi Ha mbandu. Utohe wa He tabua ni tabua ukapwe wa mbandu yimuwika ni chihanda cha hakachi. 17Ku tabua ni tabua kukapwe michipo yiali, tabua ni tabua Ha kutokeka hamuwika. Chocho ukapule matabua eswe a tabernakulu. 18Ukapule matabua a tabernakulu. Ha lumbu lia ku Sule makumi aali a matabua. 19Ukafule makumi awana a yimanyino ya prata ya kutwama kushi lia matabua; yimanyino yiali kushi Ha tabua limuwika ya kukwachisa michipo yalio; yimanyino yiali yikwo kushi lia tabua likwo ya kukwachisa michipo yalio. 20Ha lumbu liamuchiali Ha tabernakulu te lumbu Ha ku Norte, makumi aali a matabua. 21Hamwe ni yimanyino yo ya prata makumi awana; yimanyino yiali kushi Ha tabua limuwika ni yimanyino yiali kushi Ha tabua likwo. 22Ukapule nawa matabua asambano ha lumbu Ha kunyima Ha tabernakulu, liatalikisa ku Chitokelo. 23Ukapule nawa matabua aali a kusa ku mbango ja ku tabernakulu, ku lumbu Ha kunyima. 24Kushi akapwe a kutokeka. Ndusu ndo kwilu akapwe a kutokeka hamuwika ndo ku ngo yimuwika. Chocho chikapwe ha matabua eswe ni aali. Akapwe ha mbango jeswe ni jiali. 25Kukapwe matabua nake ni yimanyino ya prata; kumi lia yimanyino ni yimanyino yisambano. Yimanyino yiali yikapwe kushi lia tabua likwo, mba yimanyino yiali kushi lia tabua likwo.
26Ukapule nawa njalo ja mutondo wa mukesha; jitano ja matabua a ku lumbu likwo lia tabernakulu, 27ni njalo jitano ja matabua a ku lumbu likwo lia tabernakulu, ni njalo jitano ja matabua a ku lumbu lia tabernakulu lia kunyima, liatalikisa ku Chitokelo. 28Njalo ya mukachi ya kunjila ndusu hakachi ka matabua chize ku songo limwe ndo ku songo likwo. 29Ukalamike oru ha matabua. Ukafule ngo jo ja oru ja kunjishilamo je njalo. Ni je njalo nawa ukajilamikeho oru. 30Ukamike ye tabernakulu nikulita ni cheseko chayo chize nakulwezele ha mulundu.
31Ukatonge nawa chikalakala cha hina lilauluka, ni lia ufungo, ni lia ngengu, ni lipema litoma, lia kwola ni akerupimi, chitanga cha chilangaji. 32Ukazezeleke lie hina ha manguji awana a mutondo wa mukesha a kulamika ni oru, akumana ha yimanyino yiwana ya prata, ngo jo jikapwe ja oru. 33Ukazezeleke hina lia chikalakala ha je sepe. Ukanjise muchima lia chikalakala cha hina we mushete wa shindakenyo hanga che chikalakala cha hina chikahandunune hakachi ka muma musandu ni muma musandu mwahiana. 34Ukanangike chitwamo cha keke ha mushete wa shindakenyo, muma musandu mwahiana. 35Ukatumbike ye mesa haze lia chikalakala cha hina. Chikwachilo cha ndeya chikalitalangane ni ye mesa ha lumbu lia ku Sule lia tabernakulu. Ukatumbike ye mesa ha lumbu lia ku Norte.
36Ukatonge hina lia kufuka ku chikolo cha mbalaka, lilauluka, ni lia ufungo, ni lia ngengu, ni lipema litoma, lia milimo ya kwola. 37Lie hina liacho ukalisongele manguji atano a mutondo wa mukesha. Ukalamikeho oru. Ngo jo jikapwe ja oru. Ukaazuzulwile yimanyino yitano ya unengu.
Sélection en cours:
KUTUHUKA 26: Csa
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Chokwe Bible © Bible Society in Angola, 1975.
