Bangec kisiu 26
26
Isracelngicngac kpetengina megec naso yohockang anec
1 #
Bki 1:1-46
Hafei homectoayagoc kpac anu Kebungo Mose nga womonggareng Aharon medaha Elecadzar yofi edeyuruec, 2“Ngeri Isracelngicngac yeneac ngichabu hafoangoc amaarengngina modacma Isracel manau ngic kifangina twentiunac namma ende amma dzikacfu kenggecdeacsoc andae yeneac kpetengina medacbesera.” 3Ifi deu Mose nga womonggareng Elecadzar yeri Mocawac bangec tumiau Yardendoku tegia yeibigeng Yereho wegenahau imohai Isracelngicngac yoac edeyunuma yofi deoc, 4“Ngic kifangina twentiunac namma ende yeneac kpetengina megec.” Imoc Kebungo Mose dederecge ammiec, ifi isoc yombong edeyunuoc. Nga Isracelac medacfora yomoc yeneng Aigitabangecfunac hagec.
Recuwen medacfora
5Isracelac waracmedac Recuwen yeac medacfora yenearunac yofiguc hagec. Hanoc yearunac Hanocac fingecsahe, Falluc yearunac Fallucac fingecsahe, 6Hetsorong yearunac Hetsoronggac fingecsahe amma Karmi yearunac Karmiac fingecsahe. 7Areng imoc yeneng Recuwen yeac fingecsaheunac. Nga ngic yenearunac ngic yofiguc wasaihabunginausoc arengyunugec imoc 43 730 anec.
Elicawac medachora Datan nga Awiram
8Nga Fallucac medaha kpara Eliacaw. 9Eliacaw medacfora imoc Nemucel, Datan nga Awiram. Datan nga Awiram imoc yeri ngichabu yeneac enarahocngina meisingyuruyuruyango Koraac habuu torokpema Mose nga Aharon yereac yoac kpema Kebuac yoackpekpea ifingoc kpeoc. 10Yoac kpegec bangecngo enara anggema Kora nga wiacfora yenigoc momoc gbokoyunudaru gerecngo ngic 250 yonohou homedacgec. Imocngo ngicngac goa yeni garengemegecdeac ma anec. 11Nga Koraac medacfora yeni ine mi homegec.
Simecon medacfora
12Nga yomoc Simecon medacfora fingecsahenginasoc yofi anggec, Nemucel yearunac nemucelngic yeneac fingecsahe. Yamin yearunac yamingngic yeneac fingecsahe, Yakin yearunac yakingngic yeneac fingecsahe, 13Dzera yearunac dzerangic yeneac fingecsahe nga Sacul yearunac saculngic yeneac fingecsahe. 14Areng imoc yeneng Simeconggac fingecsaheunac. Yeneac kpetengina imoc 22 200 anec.
Gad medacfora
15Nga Gad medacfora yeneac fingecsahenginasoc yeni yofi anggec, Tsefon yearunac tsefonngic yeneac fingecsahe amma Haggi yearunac haggingic yeneac fingecsahe, nga Suni yearunac suningic yeneac fingecsahe, 16Odzini yearunac odziningic yeneac fingecsahe, Eri yearunac eringic yeneac fingecsahe, 17amma Arod yearunac arodingic yeneac fingecsahe nga Arecli yearunac areclingic yeneac fingecsahe. 18Areng imoc yeneng Gad medacfora yeneac fingecsaheunac. Nga ngic imoc yenearunac ngic yofiguc wasaiarengnginausoc arengyunuma kpetengina megec imoc 40 500 anec.
Yehuda medacfora
19Anu Yehuda medachora imoc Er nga Onan yeri Kenacanbangecfu homeoc. 20Medacfora goa yeneac fingecsahenginasoc ine yofi, Sela yearunac selangic yeneac fingecsahe, Perets yearunac peretsingic yeneac fingecsahe nga Dzera yearunac dzerangic yeneac fingecsahe. 21Nga Perets medacfora yeni yofi kecgec, Hetsron yearunac Hetsrongngic yeneac fingecsahe, Hamul yearunac hamulngic yeneac fingecsahe. 22Areng imoc yeneng Yehuda fingecsaheunac. Nga ngic imoc yenearunac ngic yofiguc wasaiarenginausoc arengyunuma kpetengina megec imoc 76 500 anec.
Yissaskar medacfora
23Nga Yissaskar medacfora yeni fingecsahenginasoc yofi, Tolac yearunac Tolacngic yeneac fingecsahe, Puwa yearunac puwangic yeneac fingecsahe, 24amma Yasuw yearunac yasuwingic yeneac fingecsahe nga Simeron yearunac simeronngic yeneac fingecsahe. 25Areng imoc yeneng Yissaskar fingecsaheunac. Nga ngic imoc yenearunac ngic yofiguc wasaihabunginausoc arengyunuma kpetengina megec imoc 64 300 anec.
Dzewulun medacfora
26Nga Dzewulun medacfora yeni fingecsahenginasoc yeni yofi, Sered yearunac seredengic yeneac fingecsahe amma Elon yearunac elongngic yeneac fingecsahe nga Yahelecel yearunac yahelecelngic yeneac fingecsahe.
27Areng imoc yeneng Dzewulun fingecsaheunac. Nga ngic imoc yenearunac ngic yofiguc wasaihabunginausoc arengyunuma kpetengina megec imoc 60 500 anec.
Yosef medachora
28Nga Yosef medachora Manasse nga Efrayim yereac fingecsahengira yofi, 29Manasse medacfora yeni yofi, Makir yearunac makiringic yeneac fingecsahe, nga Makir ye Gilecad mama. Gilecad yearunac Gilecadngic yeneac fingecsahe. 30Nga yomoc yeneng Gilecad medacfora, Icedzer yearunac icedzeringic yeneac fingecsahe amma Helek yearunac helekingic yeneac fingecsahe 31nga Asricel yearunac asricelngic yeneac fingecsahe, Sehem yearunac sehemngic yeneac fingecsahe 32nga Semida yearunac semidangic yeneac fingecsahe amma Hefer yearunac heferingic yeneac fingecsahe. 33Nga Hefer medaha Tselafehad ye medacfora kpac, naroangforasac fingecgec nga yeneac kpacngina yofi, Mahela, Noca, Hagela nga Mileka amma Tirtsa. 34Areng imoc yeneng Manasseac fingecsaheunac. Nga ngic imoc yenearunac yofiguc wasaihabunginausoc arengyunuma kpetengina megec, imoc 52 700 anec.
Efrayim medacfora
35Nga yomoc Efrayim medacfora yeneac fingecsahenginasoc, Sutela yearunac sutelangic yeneac fingecsahe amma Beher yearunac beheringic yeneac fingecsahe nga Tahan yearunac tahanngic yeneac fingecsahe. 36Nga yomoc Sutela medaha mocgu anec. Eran yearunac erangngic yeneac fingecsahe. 37Areng imoc yeneng Efrayim fingecsaheunac. Nga ngic imoc yenearunac ngic yofiguc wasaihabunginausoc arengyunuma kpetengina megec, imoc 32 500 anec. Nga ngic imoc yeni Yosefac nambaracfora yeneac fingecsahenginasoc.
Benyamin medacfora
38Nga yomoc Benyamin medacfora yeneac fingecsahenginasoc, Wela yearunac welangic yeneac fingecsahe, Asebel yearunac asebelngic yeneac fingecsahe, Ahiram yearunac ahiramngic yeneac fingecsahe, 39Sufam yearunac sufamngic yeneac fingecsahe nga Hufam yearunac hufamngic yeneac fingecsahe. 40Nga Wela medachora yeri Ared nga Nacaman. Amma Ared yearunac aredingic yeneac fingecsahe, Nacaman yearunac nacamangngic yeneac fingecsahe. 41Areng imoc yeneng Benyamin medacfora yeneac fingecsaheunac. Nga ngic imoc yenearunac ngic yofiguc wasaihabunginausoc arengyunuma kpetengina megec imoc 45 600 anec.
Dan medaha mocgu
42Nga Dan medaha mocgu yearunac fingecsahe yofi fingecgec, Suham yearunac suhamngic yeneac fingecsahe. Areng imoc yeneng Danggac fingecsaheunac. 43Suhamngicac areng sasawa ngic imoc yenearunac ngic yofiguc wasaihabunginausoc arengyunuma kpetengina megec imoc 64 400 anec.
Aser medacfora
44Nga Aser medacfora yeni fingecsahenginasoc yofi, Yimna yearunac yimnangic yeneac fingecsahe amma Yiswi yearunac yiswingic yeneac fingecsahe nga Weri yearunac weringic yeneac fingecsahe. 45Nga Weri medacfora yeneac fingecsahengina imoc yofi, Hewer yearunac heweringic yeneac fingecsahe, Malekicel yearunac malekicelngic yeneac fingecsahe. 46Nga Aser yeac naroanga kpara Sarac. 47Areng imoc yeneng Aser medacfora yeneac fingecsaheunac. Nga ngic imoc yenearunac ngic yofiguc wasaihabunginausoc arengyunuma kpetengina megec imoc 53 400 anec.
Naftali medacfora
48Nga Naftali medacfora yeneac fingecsahenginasoc yeni yofi, Yahetsecel yearunac yahetsecelngic yeneac fingecsahe, Guni yearunac guningic yeneac fingecsahe, 49Yetser yearunac yetseringic yeneac fingecsahe nga Sillem yearunac sillemngic yeneac fingecsahe. 50Areng imoc yeneng Naftali medacfora yeneac fingecsaheunac. Nga yeni wasaihabunginausoc arengyunuma kpetengina megec, imoc 45 400 anec. 51Nga isracelngic wasaihabunginausoc arengyunuma kpetengina megec, imoc kpeturanggema 601 730 anec.
Bangec hendzicma yemmebesonga
52 #
Bki 34:13; Yos 14:1-2 Anu Kebungo Mose yoac yofi edeec, 53“Kpacnginaac kpetengina fekende, imocac siricfu bangec hendzicma yemmegec tembuc tembuc mema minginasoc ambisia. 54Ngeni kisic monggac ngichabu kuneng yeni bangec kuneng yemmebisia nga kisic monggac ngichabu kapia yeni bangec kapia yemmebisia. Imoc ngic wasaingichabuu kpetengina fede, imocac siricfu bangec hendzicma yemmebisia. 55Bangec imoc kpeing kpema hendzicbesonga. Ngeni ngicngacareng yeni kisicfocngina yeneac kpacareng nga kpetengina fekende, imocac siricfu bangec imoc mema mingina ambisia. 56Amma kpeing kpegec foraya fingerudesoc kisicfocngina modacma habu kuneng nga kapia bangec imoc mema mingina anggecdeac hendzicma yemmebisia.”
Lewingic kpetengina megec
57Nga Lewiac kisicfunac ngic yomoc fingecsahenginasoc arengyunuma kpetengina megec, Gereson yearunac geresonngic yeneac fingecsahe amma Kehat yearunac kehatngic yeneac fingecsahe nga Merari yearunac meraringic yeneac fingecsahe. 58Areng yomoc yeni Lewiac kisicfunac fingecsahengina, liwningic yeneac fingecsahe, hewerongngic yeneac fingecsahe, mahelingic yeneac fingecsahe, musingic yeneac fingecsahe, korangic yeneac fingecsahe. Nga Kehat ye ine Ameram mama. 59Nga Ameram enema kpara Yohewed, ye Lewiac naroang Aigitabangecfu fingerec. Nga ye Ameramgarunac Aharon nga Mose amma naingngira Miryam meyunuec.
Aharon medacfora
60 #
Bki 3:2
Nga Aharon medacfora yofi fingecgec, Nadaw, Awihu, Elecadzar nga Itamar. 61#Sese 10:1-2; Bki 3:4Anu Nadaw nga Awihu yeri ine gerec siriha mong mi faigecdeac dedea imoc sese isoc mehama Kebuac kicfu faima homeoc. 62Nga Lewingic sasawa afongina mocgunac namma ende yeni arengyunuma kpetengina megec imoc 23,000 anec. Yeni Isracelngicngac yeneac botucnginau bangec mong mi yemmeyemmea, imocac amma yenigoc arengyunuma kpetengina mi megec.
63Mose nga womonggareng Elecadzar yereng Mocawac bangectumia Yardendoku tegia yeibigeng Yereho wegenahau imohai isracelngic wasaihabunginausoc arengyunuma kpetengina meoc. 64Anu Mose amma womonggareng Aharon yeri warac Sinai bangeckisiu isracelngic wasaihabunginausoc arengyunuma kpetengina meoc, ngic imoc yenearunac mongngo habu yomoc yeneac botucfu mong mi kefec. 65#Bki 14:26-35Imoc yofiac, Kebungo yeneac yofi deec, “Yeni bangeckisiu homegecde.” Ifi anu yenearunac ngic mongngo mi kefec, Yefunne medaha Kalew nga Nun medaha Yehosuac yerengsac kefoc.
Sélection en cours:
Bangec kisiu 26: Ded
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© (Active), Wycliffe Bible Translators, Inc. All rights reserved.