Versets bibliques populaires de MATEU 24

Partager

Mba se uhulia muwoka, zango lia anji kumuliza kukekema. Alioze mweswe manyongonona ndo ku songo, kumakamulamwina.

Ni sango lino lipema lia wanangana kumakaliambujola mu yifuchi yeswe ya hashi mukupwa Shindakenyo ku mavungu eswe, ni hohene songo kumulikeza.

Alioze kumunukevwa ha jita ni ndundumwino ya jita; kanda nukasungalala; mumu chatamba yino yuma yeswe kupwa alioze songo kanda lichipwa.

Mumu akwa vungu limwe makatukila akwa vungu likwo, ni akwa wanangana umwe kumukatukila akwa wanangana ukwo; kumukukapwa tupunga ni yilungo ni minyiko kweka ni kweka. Alioze yino yuma yeswe we uputukilo wa yikola.

Lilu ni hashi kumuyikahwa, alioze maliji jami kechi kahwa nichimwe.

Mumu anji kumakeza mu jina liami ngwo, Yami nguli mwe Kristu; mba makapiangula anji.

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami. Hohene anji makatalinga, makalikunjika umwe kuli mukwo, makalivwila kole umwe ni mukwo. Ni aprofeta anji a kwonga kumakasoloka, mamupiangula anji.

Yesu waakumbulwile ngwenyi, Kanyamenu, niumwe kanda akanupiangula.

Kashika ni yenu nawa lilulikenu; mumu ha ola yize kunushi kushinginyeka mwe Mwana Mutu meza.

Lenu kashika mumu kunwanyingikine ha ola yize Mwene wenu meza.

Alioze ha kutwala ku tangwa lize ni ola yize niumwe kayinyingikine, chipwe angelo a mwilu, ka, alioze Tata wika.

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Alioze chizechene ngwe matangwa ja Noe, chocho muchikapwa kuheta cha mwe Mwana Mutu. Mumu chizechene ngwe ha matangwa kuze kanda, shimbu te sanga lia meya kanda liza, apwile nikulialia, nikunwanwa, nikumbata, nikuhangisa malo, ndo tangwa lize Noe wanjilile mu ulungu. Kanyingikine ndo sanga lia meya liejile likaahungumune eswe; chocho nawa muchikapwa kuheta cha mwe Mwana Mutu.