Versets bibliques populaires de Matyê 24

Partager

Məno tə́poŋ kʉʼʉ́ nzáa, tə lələʉ pye kə́ mbyér nkóŋə gháp mbəʉ záp tə nkoŋə́ po. Lə́, ŋuu yi a wo shə̌ghʼ tə́ kâa lə̂ ghʉ̌ cwór.

Pə́ táa tsətə́ wo Nkəʉ Shʉʼʉ yi no Ləfou Sê* ə́ maa yʉʼ tsəm ndəu ndesé, lə́ pə́ yi məlâʼ mə́tsəm wo zúʼ, nzʉ̂ cʉ̂ʼ nkə́ mé mě.»

Pei táa zúʼ pə pə́ ndâʼ no ńté məntso mi ə́ kwatə́ lə̂ wéi sʉ̂ mbaa pə́ ndǐ təsə, lə́ koo pei táa mbóghʼ. Ə́ pə́ ntúŋu ńgó mêi məzə̂u pyə̂ghʼ nkwatə́, lə́ ə̂ kə́ ndághʼ ḿbə̂ yé ńgó nzʉ̂ me mə́ po.

Ə́ lâʼ táa lěsê, ə́ lwóʼo có, fou tə̂u lesê, ə́ ndwóʼo cǒ, ndesé táa fú cʉʼʉ́ lə̂ məyʉʼ tə nzáa, ntəʉ nji póu ngwʉ̌ lə̂ məyʉʼ tə nzáa. Mwo məno táa lǎghʼ pə́ ghíʼ məngyě yi môu jǐ lə̂ ndə́u yé lə̂.

Ləfaŋ gháp ndesé táa mě lə́ tsâr zâa láʼ ncwî yé po.

Ńté no pye tə nzáa táa tághʼ ləjôghʼ zâa mbi, maa wǒwó lə́ páp lâʼ ngô: “Mə̂ŋ Nzaʼ-nkʉ yi Sê lə ghʉ̌ ndaʼá mə́u lə̂ ngʉ́ ŋə́*!” Ə́ laʼ yə́rə́, ə́ lǎghʼ futə́ pye tə nzáa.

Pə́ ghôu wéi ə́ wǒ ŋə́, pə ŋə́ wéi ngwôʼ, ə́ ghʉ̌ pə jwítə́ wéi. Məlâʼ mə́tsəm táa fú pǎa wéi ńté ghâa. Ə́ táa kə́ pə́ pə̂ tə pye tə nzáa təcər pei kə́ mbyér ncôghʼ gháp ntə̂ʉ lə́ məŋ po, gháp shə́rə́ fə̌i məmbəʉ máp, ə́ shərə́ mbaa mbəʉ záp təcər páp. Pəntsətə́-nkəʉ Sê* pi məlaa kwátə́ tə nzáa, ə́ futə́ lələʉ pye.

Yěso pwôr lə́ páp ngô: «Pei lághʼə́ tû zéi, ə́ mbáa ŋuu lə̂ fútə́ wéi.

Ə́ pə̂ yə́rə́, tə mbaa pei zéi, pei ntsûŋtə́ mbəʉ zéi ḿbáp, ńté no Môu Ŋuu* táa woghʼə́ woghʼə́ tó.

Ə̂ zə̂u yi ə́ ghʉ̌ pei páa lə̂ ngwáʼá mbəʉ zéi, ńté no káa pei pə́ njí wéi leʼé yi Nde wei wo tó.

Lə́, ə́ nkə́ ngwó lə́ leʼé zêi, gháp mpfu yi mwo məno táa lěi, mə́i káa cǒ ŋuu pə́ njî yé tə mbaa pəcwôʼ Sê* pi pə́ tʉ̌-lə́pû, tə mbaa Môu Sê, ə ndaʼ Tə́ zə́ghʼə́-zʉ́ lə́ pə́ njí.

Ńté no pənzaʼ-nkʉ pi məlaa, gháp pə pətsətə́-nkəʉ Sê* pi məlaa táa kwatə́, ə́ nyarə́ pətə́koʼ mələiʼi, ə́ ghʉ̌ mənkəʼə-məno lə̂ ndághʼ futə́ pye tə nzáa, tə ḿbə́ yi gháp ghíʼi nkûʼ, mə́i mboʼ gháp futə tə mbaa pye pi Sê lə tsóʼ gháp.

Môu Ŋuu* táa ghǐ tó, məno mi ə́ lə ghʉ̌ mpfu Nówa kə̂ ncí ngʉ́. Nci lə ghí kóʼ zʉ́ yʉʼ, ə pye-mə́soŋ pə̂ mpfâr zə̂u, ə́ mə́ nó, ə́ mə́ nzóʼ, ə́ ŋə̂ ghəpə́ záp məndə̂ nzǒʼ, tə nkə́u leʼé yi Nówa lə kə́u cər láanji, ə lâʼ pəi mə́ ngwô gháp có no mə́u po, tə nci ghʉ nkóʼ, ə́ fú mbə́ghʼ gháp pə́tsəm. Môu Ŋuu* táa ghǐ tó, ə̂ kə́ mbə́ pə́ yə́rə́.