Versets bibliques populaires de Chiyambo 17

Partager

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Zina lako kuti likadanikanga Abramu so cha, kweni zina lako likaŵanga Abrahamu, pakuti ndakuchita iwe kuŵa uskeu wa mitundu yinandi.

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

“Ehe, phanganu langu le pamoza nawe, ndipo ukaŵanga uskeu wa mitundu yinandi.

Chiuta wanguti, “Viyo cha; kweni Sara muwoli wako wakakupapiyanga mwana munthurumi, ndipo undanenge zina lake Yisaki. Ndikakhozganga phanganu langu ndi iyo nge ndi phanganu la muyaya ku mphapu zake za pavuli pake.

Ndipo nkhapaskanga kwako, ndi ku mphapu zako za pavuli pako, charu chakutandaramo kwinu, charu chose cha Kanani, kuŵa chihara cha muyaya; ndipo ndikaŵanga Chiuta wawo.”

Sono Abrahamu wangusindama chisku ndi wanguseka, ndi wanguti kwaku iyo yija, “Kumbi mwana wakapapikanga ndi munthu mweniyo pa ura wake wendi virimika machumi pe chumi (100)? Kumbi Sara mweniyo wendi virimika machumi ghankhonde ndi ghanayi (90) wangapapa mwana?”

Ndipo Chiuta wanguti kwaku Abrahamu, “Sarai muwoli wako, kuti ukamudananga zina lake Sarai cha, kweni Sara ndilo likaŵanga zina lake.

Mukachinjikanga mu nyama ya kusongo kwinu, ndipo ichi chikaŵanga chisimikizgu cha phanganu la pakati pangu ndi imwe.

Kweni nkhakhozganga phanganu langu ndi Yisaki mweniyo Sara wakakupapiyanga pa nyengo nge ndi yino chirimika cha mawa.”

Mwana we yose yo ngwa mazuŵa ghankhonde ndi ghatatu mukati mwinu, wakachinjikanga; munthurumi we yose mu migonezi yose, manyi ngwakupapika mu nyumba yinu, pamwenga wakugulika ndi ndrama zinu ku mlendo we yose yo kuti ngwa mphapu yinu cha; munthu wakupapika mu nyumba yinu ndi so munthu wakugulika ndi ndrama zinu, wakachinjikanga. Viyophanganu langu likaŵanga la muyuya mu nyama yinu.