Versets bibliques populaires de Акълова 26

Partager

Аьбдаллил гьолцола аьнтлъилакьа мелъейо жаваб нилӀа̄къа, мизуна гьолцолъ эᵸлъейо ахъалаъ. Аьбдаллил гьолцола аьнтлъилакьа мелъейо жаваб нилӀа, бетана – гьолцола йакӀил гицца жуна цӀодораб сукӀо гейлӀона.

Гьинизу чӀалӀейо бек муьхъал во кьа̄ь вагьаклӀозу мицаъ гугьцалаъцой, аьбдална гьинила аьнтлъилагъой кьа̄ь кӀаьйухона го̄с.

Гьудо болъода цӀо йецца, балӀо миц зогъаъда, даьъба-йаьже йолъос.

СукӀол хъаранди йоьᵸтӀода жужу эᵸдо экца, гердена кьода̄ йежеллида, кьа̄ь гаргийа̄гъа йеᵸкьейо гьули гьинилзу йеᵸхеш.

Гьинилзу жу аᵸкъилабна цӀодорабна гейлӀо гиццас сукӀо эга̄д дул? Гьолцоллагъа ахо йахъца аьбдаьллил.

СукӀола даьъба-йаьжиъ алӀокийо сукӀо эᵸлъейо ахъца гьицалкьа̄ лӀийахона мекьецала войс къонана аьᵸгъа̄ йовахцала сукӀолъ.