Versets bibliques populaires de مَتّا 24

Partager

چه بێرهبندیئے گێش بئیگا بازێنے سَردمِهرَ بیت. بله هما که تان آهِرا برداشتَ کنت، آ رَکّیت.

سجّهێن دنیایا هُدائے بادشاهیئے مِستاگئے جار جنَگَ بیت که په سجّهێن کئومان شاهدیے ببیت. اِشیا رند دنیا هلاسَ بیت.

شما جنْگانی تئوارا اِشکُنێت و جنگانی هال شمارا سرَ بیت، بله دلا تُرس مئیارێت. اے چیزّ اَلَّما بنت، بله اَنگت هلاسیئے وهد نئیاتکگ.

یکّ کئومے دگه کئومێئے هلاپا و یکّ مُلکے دگه مُلکێئے هلاپا پادَ کئیت. باز جاگه کَهتَ کپیت و زمین‌چَنڈَ بیت. بله اے سجّهێن تهنا چِلّگیئے دردانی بِندات اِنت.

آسمان و زمین گارَ بنت، بله منی هبر هچبر گارَ نبنت.

چێا که بازێنے منی ناما کئیت و گوَشیت: ’من هما مَسیه آن‘ و بازێنێا گُمراهَ کنت.

آ وهدا شمارا گرنت و آزارَ دئینت و کُشنت. دنیائے سجّهێن کئوم منی نامئے سئوَبا چه شما نَپرتَ کننت. گڑا بازێنے پُشتا کِنزیت و چه راها ٹَگلیت. بازێنے یکدگرا دْرۆهیت و چه یکدومیگا نپرتَ کنت. بازێن درۆگێن پئیگمبرے جاهَ جنت و بازێنێا گُمراهَ کنت.

ایسّایا پَسّئو داتنت: ”بچارێت که هچکَس شمارا گُمراه مکنت.

پمێشکا شما تئیار ببێت، چێا که انسانئے چُکّ اَنچێن وهدێا کئیت که شما آییئے اِنتزار و وَدارا نبێت.

پمێشکا هُژّار بێت چێا که شما نزانێت که شمئے هُداوند کجام رۆچا کئیت.

هچکَسَ نزانت که آ رۆچ و آ ساهت کدێنَ کئیت، نه آسمانئے پرێشتگَ زاننت و نه چُکَّ زانت، تهنا پتَ زانت.

چێا که درۆگێن مَسیه و درۆگێن نبی جاهَ جننت و مزنێن نشانی و اَجِکّایی کار پێشَ دارنت. وتی سجّهێن زۆرا جننت که گچێن کرتگێنان هم گُمراه بکننت، اگن آیانی دستا بوت.

هما ڈئولا که نوهئے زمانگا بوتگ، انسانئے چُکّئے آیگئے رۆچ هم اَنچُشَ بیت. چێا که چه توپّانا پێسر، مردمانَ وارت و نۆشت و سانگ و سورَ کرت. اے کاران تان هما رۆچا دزگٹّ اتنت که نوه بۆجیگا سوار بوت. تانکه توپّان نئیاتک و سجّهێن مردمی نبُرتنت، کسّا نزانت که چے بیت. انسانئے چُکّئے آیگئے وهدا هم همے ڈئولا بیت.