Suosittuja jakeita Raamatun kirjasta Eshaiah 61

Jaa

Yspryd IEHOFAH (sydd) arnaf, Canys enneiniodd IEHOFAH fyfi; I bregethu i’r rhai llariaidd yr anfonodd Efe fi, I rwymo y rhai drylliedig eu calon, I gyhoeddi i’r caethion ryddid, Ac i’r rhai mewn rhwymau lawn-ollyngdod; I gyhoeddi blwyddyn foddhâol gan IEHOFAH, A dydd dïal ein Duw ni; I gysuro yr holl rai galarus; I beri (llawenydd) i alarwŷr Tsïon, I roddi iddynt goron hardd yn lle lludw, Olew llawenydd yn lle galar, Gwisg moliant yn lle yspryd llesg, Fel y gelwid hwynt yn Dderw cyfiawnder, Yn Blanhigyn IEHOFAH, fel y prydferther Ef.

Yn lle eich cywilydd (y cewch feddiant) dau ddyblyg; Ac (yn lle) gwaradwydd hwy a lawenychant yn eu rhan; Gan hynny yn eu gwlad (meddiant) dau ddyblyg a gânt feddiannu, Llawenydd tragywyddol a fydd iddynt.

Gan lawenychu y llawenychaf yn IEHOFAH, Gorfoleddu a wna fy enaid yn fy Nuw, Canys gwisgodd fi â dillad iachawdwriaeth, Â mantell cyfiawnder y gorchuddiodd Efe fi; Fel y mae priod-fab yn ymharddu fel offeiriad â choron, Ac fel y mae priod-ferch yn ymaddurno â ’i thlysau.

Ac fe adeilada (dy eppil) yr anialoedd gynt, Anghyfanneddleoedd y cynfyd, hwy a’u cyfodant, Ac adnewyddant ddinasoedd diffaeth, Anghyfanneddfaoedd oes ac oes.

Yn ddïau megis y mae ’r ddaear yn bwrw allan ei hegin, Ac fel y mae gardd yn peri i’w hadau egino, Felly yr Arglwydd IEHOFAH a bair eginad cyfiawnder A moliant, ger bron yr holl genhedloedd.

Ond chwychwi, “Offeiriaid IEHOFAH” y’ch gelwir chwi; “Gweinidogion ein Duw ni,” meddir wrthych: Golud y cenhedloedd a fwyttêwch, Ac yn eu gogoniant yr ymglodforwch.

Canys Myfi (wyf) IEHOFAH, yn hoffi barn, Yn casâu trais ac anghyfiawnder; A rhoddaf iddynt eu gweithredoedd mewn gwirionedd, A chyfammod tragywyddol a wnaf Fi â hwynt.