Rom-noba 4
4
A Aboraham Yel-erre Naŋ E Wuluu
1Te na yeli ka boŋ tɔnɔ la ka a te eŋgannoŋ poɔ sããkoma Aboraham pãã da nyɛ? 2Ka Aboraham da leɛ nemmeŋɛ toma zuiŋ, o taa la boŋkaŋ o naŋ na ŋmeɛrɛ ne nyaa a wullo ne o meŋɛ, kyɛ Naaŋmen zie naane ka o na wullo a o meŋɛ. 3#Piil 15:6; Gal 3:6 Boŋ ka a gansoŋ yeli? “Aboraham da sage de la Naaŋmen yɛlɛ, a da leɛ nemmeŋɛ a lɛ zuiŋ.” 4#Rom 11:6; Mat 20:7; 20:14 Neɛ naŋ toŋ toma, ba koŋ baŋ yeli ka a o san-yɔɔ waa la kyɔɔtaa, bonso, a waa la bon a naŋ seŋ ka ba ko o. 5Kyɛ soba na naŋ ba e yelzaa kyɛ dɛlle a neɛ na naŋ maŋ e ka yelbe-erebɛ leɛ nemmenne, a yeldeebo ŋa tɔ la ka ba na de ka o waa mennoŋ. 6A lɛ meŋ ka Devid da yeli kyaare ne maaloo na banaŋ Naaŋmen naŋ tere mennoŋ a yi ba toma puoriŋ:
7 #
Yiel 32:1-2
“Zunoɔdeme la banaŋ yelbebe suuri ba naŋ di ko ba,
ane banaŋ yelbebe ba naŋ pɔge;
8zunoɔ soba la neɛ na a Daana naŋ ba de o yelbebe saanaa tuo o.”
9A maaloo ŋa yɛlɛ ba naŋ pãã yeli mɔɔ e la a banaŋ ba naŋ iri ba dɛgre yoŋ soobo, bee a e la a banaŋ meŋ dɛgre naŋ ba iri soobo? Te maŋ yeli la, “Yeldeebo zuiŋ la ka a Aboraham da nyɛ mennoŋ.” 10Wola pãã la ka ba da ko o a mennoŋ? O da nyɛ la a mennoŋ kyɛ pãã iri a o dɛgre, bee a o dɛgre iruu puoriŋ la ka o da nyɛ a mennoŋ? A da ba e ka o naŋ da wa iri a o dɛgre puoriŋ la, kyɛ o naŋ da naŋ ba iri a o dɛgre saŋ la ka o da nyɛ a mennoŋ. 11#Piil 17:10-11 A Aboraham dɛgre iruu da e la yelwulaa naŋ kpulli a o mennoŋ na o naŋ da nyɛ a o yeldeebo zuiŋ kyɛ ka o da naŋ ba iri a o dɛgre sɛre. A yeli ŋa da eɛɛ la ka ka a Aboraham na waa a banaŋ zaa naŋ sage de kyɛ ka ba ba iri ba dɛgre, a banaŋ ba naŋ ko mennoŋ sããkoma. 12#Mat 3:9 A lɛ ne o zu ka a Aboraham da waa a banaŋ ba naŋ da iri ba dɛgre sããkoma. Ba da ba e noba naŋ iri ba dɛgre yoŋ kyɛ ba da waa la noba naŋ da tu a te sããkoma Aboraham gbɛbogri a kyaare ne a yeldeebo o naŋ da taa kyɛ wa iri a o dɛgre.
Yeldeebo Zie La Ka Naaŋmen Nɔ-eŋnaa Maŋ Tu Nyɛ Eebo
13 #
Piil 18:18; 22:17-18 A noɔre ba naŋ da eŋ ko a Aboraham ane o biiri ka a andonɛɛ na e la ba gbandiruŋ,#4:13 Gbandiruŋ: A Dagaaba mine maŋ yeli ka Kyɛndi. da ba tu a bege zie wa o zie bee o biiri zie, kyɛ a da tu la mennoŋ yeldeebo zie. 14Ka a banaŋ naŋ tuuro a bege la na e a gbandiruŋ biiri, ka lɛ a yeldeebo waa la weɛlɛ ka a nɔ-eŋnaa meŋ waa zaglaa. 15#Rom 3:20; 5:13; 7:8; 7:10 Bonso, a bege wa ne la supuriyaaraa, kyɛ benee a bege naŋ ba kye, a bege saamo meŋ ba kyebe.
16A ŋaa zuiŋ, a nɔ-eŋnaa are la yeldeebo eŋɛ, a dɔgle garaaseɛ zu, a waa bon naŋ wuli ka a Aboraham biiri zaa nyɛ la kyɔɔtaa ka bonnoo ba kyebe. Kyɛ a ba e ka a banaŋ yoŋ naŋ tuuro a bege la, kyɛ a waa la banaŋ meŋ naŋ taa yeldeebo aŋa a Aboraham soobo (bonso, o waa la te zaa saa, 17#Piil 17:5 aŋa ba naŋ da sɛge, “N eɛɛ la ka fo leɛ nemboore yaga saa”); a Naaŋmen na a Aboraham naŋ da sage de, Ona la maŋ korɔ a kuuni nyɔvore kyɛ maŋ e ka boma naŋ daŋ ba kyebe wa bebe. 18#Piil 15:5 A Aboraham da de la o teɛretɔroo#4:18 Teɛretɔroo: A Dagaaba mine maŋ yeli ka Kyelloo. eŋ benee teɛretɔroo naŋ ba kye. O da sage deɛ la ka o na leɛ la, “a nemboore yaga saa,” a kyaare ne lɛ ba naŋ da yeli, “A fo bale na waa la yaga yaga lɛ.” 19#Piil 17:17 A Aboraham yeldeebo da naŋ are la kpeɛŋaa aneazaa ka o da nyɛ la o meŋɛ ka o korɔ te seŋ kũũ (bonso, o da kore te tara ŋa yuomo kɔɔ), bee o naŋ da nyɛ ka Saara e la pɔg-ɔre. 20#Hib 11:8-11 Yeli zaa da ba kyebe a e ka o bonnɔ ne a noɔre Naaŋmen naŋ da eŋ ko o, kyɛ a o yeldeebo da are la kpeɛŋaa, ka o danna Naaŋmen. 21O da sereŋ baŋ ka Naaŋmen na toɔ̃ e la bonna O naŋ da eŋ noɔre ka O na e la. 22#Rom 4:3 A lɛnso ka ba da yeli kyaare ne Aboraham ka a o yeldeebo zuiŋ, “Naaŋmen da de o la ka o e nemmeŋɛ.” 23#Rom 15:4 Pampana ŋa a yelbie ama, “Ba da de o la ka o e” da ba sɛge a Aboraham yoŋ zuiŋ, 24kyɛ ba da sɛge a la te meŋ zuiŋ. Ba na de la te banaŋ naŋ sage de a soba na naŋ da e ka a Yeezu te Daana leɛ-iri a kuuni poɔ ka te e nemmenne. 25#Aza 53:4-5; 1 Kor 15:17 Ona la ka ba ko a te yelbebe zuiŋ kyɛ ka ba e ka O leɛ-iri te sonnoŋ zuiŋ.
اکنون انتخاب شده:
Rom-noba 4: DGA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Dagaare First Bible © The Bible Society of Ghana, 2025.