Emos 3
3
Oforo a Isra'ila nu uge'etosu
1A̱ɗu ama a Isra'ila, a̱ɗu ɗa goon umatsun u na A̱sulazuva o uta̱a̱ yi diga a̱tsuma̱ e iɗa ya Masar. Gogo poloi atsuvu yu uwwa adanshi a na A̱sulazuva a yuwain aciya̱ɗu.
2<<I gura cuwan,
diga a̱tsuma̱ o umatsun wu uvaɗi suru,
a̱ɗu ɗa goon n revei,
waru n ɗangula ɗu ta̱ yo o'wo a̱za̱ a̱ va̱.
Adama o ndolo n ta ca ɗu oforo
adama a̱ nusu ɗu.>>
3Ama e re a ta gura yuwan mmalu oɓolo,
she na̱ a̱ usu a yuwan shi?
4Kamu ta̱ gugwa̱ a̱tsumona
nu u ri ni ili i na u remei shi?
Makamu ma̱ ta̱ gugwa̱ a̱tsuma̱ a̱ a̱a̱ba̱nu a̱ yi
babu u reme ili?
5Manunu ma̱ ta̱ riya̱ a̱tsuma̱ a maza e iɗa
uba̱ta̱ u na a zuwaa niyi maza shi?
Maza ma ta taɗi
agba u reme ili shi?
6A̱ te ivula̱ avana a̱tsuma̱ a̱ lyuci
a̱vu ama a̱ kuɗa̱ a da'wan?
A̱tsuma̱lima̱ a̱ tsu ta̱wa̱ ta̱ a̱ lyuci
agba A̱sulazuva a ɗa a̱ ta̱wa̱i na̱ yi shi?
7Amayun A̱sulazuva Mogono me Ili Suru waa yuwan ili,
babu na u revetyoi agbashi a̱yi ama̱sula̱ ifoɓi ya̱ yi shi.
8Ana'an kamu gugwa̱ ta̱,
zane ɗa aa uwwa wovon shi?
A̱sulazuva Mogono me Ili Suru ma yuwan ta̱ adanshi,
zane ɗa a 'yuwan a yuwan adanshi e ikaka ya̱ yi?
9A̱vu A̱sulazuva a damma Emos vumava̱sula̱,
<<Vu yuwan adanshi a̱ tyo ba̱ta̱ a cira va Ashido,
na̱ ba̱ta̱ a cira va Masar, vu damma le,
<Ɓolotoi a nsasan ma Samariya,
ye ene udamu u na u ri pe
ni iɓongi i na i ri e memere ma̱ yi.>
10A̱vu A̱sulazuva a damma,
adama a na e reve cine aa yuwan
ili i na i ri mejege shi!
O ɓoloto ta̱ itana i wivu
a̱ ba̱ta̱ vu upa'atan wu ucira u le?>>
11Reve A̱sulazuva a damma,
<<Na amayun n'yuwatan n ta̱ ka̱nda̱ruwa̱ lyuci'i,
a ta kasa ɗu nu uɓaɓu wu ucira u ɗu,
waru a̱ pura̱ itana yu uba̱tu wu upa'atan wu ucira u ɗu.>>
12Apa nda ili i na A̱sulazuva a dammai:
<<Cine za va aguɓa tsu wawa
ana e re ko utsuvu u ta̱ diga o una̱ wu kamu,
ne ɗa aa wawa aza a Isra'ila aza a na a̱ ri nden a̱tsuma̱ a Samariya
aza a na a̱ ri nden n mawwa mo uyo'o a ta la'a.>>
13A̱vu A̱sulazuva o oɓolo a̱ a̱soja a zuva damma,
<<Uwwa nda vu rono u'wa wa Yakubu atsuvu.>>
14<<O urana u ndolo n ta ca Isra'ila oforo
adama a̱ nusu va̱ yi.
N to kototo musa'a me Betel,
o to koɗo avana a masa'a'a
oco le e iɗa.#2 Ngo 23:15.
15Reve A̱sulazuva a damma,
n ta̱ ɓoso 'wa le vi irana na̱ a̱za̱ a̱ lyushi,
'wa le na a lapulai na anga a agiwa,
suru o to oco.
Waru o to kototo a̱ba̱jini a̱ba̱jini a 'wa le.>>
اکنون انتخاب شده:
Emos 3: TSW
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©️2025 Language Development and Translation Initiative (LDTI)