Migani 5
5
Omanye omukazi mugenzi
1Mwâna wâni, yumvîrhiza oburhimanya bwâni, rhega ihano lyâni okurhwiri.
2Ly’omanyilanga enkengêro zâwe, lyo n’akanwa kâwe kamanyibîka emyanzi, omukazi w’ecishungu orhahîra okamukonolera amasù#5, 2 Vulgata (Bibliya ya cilatini) yo rhuyankire-kwo okuhindula eci cinwa ntya..
3bulyâla akanwa k’omugenzi, bûci bwa mukè kâgegena, n’ebinwa byâge byo biyêngûla kulusha amavurha.
4Ci kwône binazînde#5, 4 Omwenda nka gwaciribwa erhi guli mununu, nebyâha kwo na kuguma. 5, 11: Omu kuderha: obone wamâhwêrwa n’omubiri gw’eminyafu. erhi kwo byalula nka mutuzo, kwo binayôjiha nka ngôrho ya môji abirhi.
5Amagulu gâge yo garhandalikira ebwa lufù, n’igenda lyâge yo lihêka ekuzimu.
6Lirhayerekera omu njira y’akalamo, ci libà igênda lyadûnga-dûnga burhashîbirira bici.
7Yumvagya nkubwîre, mwâna wâni, orhazigaga hajira ebyakuyibagiza ebinwa by’oku kanwa kâni:
8enjira yâwe erhâgeraga hôfi naye, orhanahìraga okalirâna olumvi lw’enyumpa yâge.
9Ehyâwe hyankanatweza ab’embuga, n’ehy’omu misî yâwe hirîbwe nabâgera;
10wakazînda erhi okola wayâma, obone bamâkulya amagala n’akabale,
11Wakazinda erhi okola wayâma, obona bamâkulya amagala n’akabale,
12onayâkûze, erhi: «oku nabwîne nagayaguza amahano, n’oku nabwîne omurhima gwâni gwarhenguha obuhanûzi»;
13erhi ntayumvagya izù lyàbakazagimbwiriza, n’abàkazaginyigîriza ntabayumvirhizagya;
14mpu hindi hitya ntahanyagalira aha ngombe#5, 14 Omu ngombe mwo bahanira enkola maligo (sinza Lev 24, 16; Lush 17, 7; Burh 1, 30)., omu ndêko y’abashamuka.
15Kazi onywe amîshi g’omu mugomero gwâwe, mîshi gàrhenga omu iriba lyâwe.
16Amîshi g’amaliba gâwe garhakazâgihululira embuga, n’enyîshi zâwe zirhajaga omu ngo z’emubânda.
17Ziyôrhe ziri zâwe wêne, ci murhazishângiraga n’abâgera!
18Enshôko yâwe ekayâgirwa! Osîme mukâwe w’eburhò.
19Kashafu kazigirwa, mutwîrà gwa kashafu, ayôrhe akuganîza; n’ibêre lyâge likazikuhiramwo orukara, onakaziyôrha orhonya okurhonya akurhonya.
20Mwâna wâni cankarhuma warhebwa n’omukazi mugenzi, cankarhuma wâziga wayêgemera ecifuba c’omugera wâgera?
21Omanye oku amasù ga Nyakasane kubona gabona omuntu, kulolêreza galolêreza igênda lyâge.
22Omumînya anagwarhwe omu mirhego y’amabî gâge, anashwêkerwe n’omu migozi y’ecâha câge yênene.
23Kufà anafà bulya arhabwîrwa, n’isirhe lyâge kubabula lyânamubabule.
Mashi Bible © BUKAVU Archdiocese of Bukavu, 2024.