ETIRU 2
2
I Etiru nanjadi tamu ràmbu
1Ndedi pira mandaina la hambeli-na nu, jiapa-kai ka nda na-karaü-apa na etina na hanganji, na-miripu mànu-mapa la kanandingu-na na pawunda-na i Tamu Ràmbu Wàtihu, dàngu na-papalimba wànya. 2Tuna nu duka da amabokulu la lihi hanganji hi da-wuangu kareuku, “Narihi hàmupa làti ka himbunya anakaria manandangu i Tàmu umbu. 3Wotu bàdi panggawi la mbuu ndàba porupinihu pareta ka dahimbu anakaria manandangu ka ngàndiha la uma maràmba kawini lai yiahu la Huhàngu. I Henggai na pa-kahala bai, na kapala kuru uma pangia tau kawini, nyunaka ma-tanara-ha, dàngu mawua-nja karanu pa-manandangu wàngu. 4Hàlaka i Tàmu umbu ka napindi anakaria parihi mbuha halawàla-na, ka panjadi-ya tamu ràmbu hiluna i Tamu Ràmbu Wàtihu,” wàda.
Na hanganji na-patunju-ya na kareuku nuna hi na-pahàra-nya.
5La parai Huhàngu ninya na haàtu tau Yahundi na ma-tamungu Morundikaï anana i Yairu. Nyuna ana umbuku-na i Kihu dàngu i Himei-ya welingu la kabihu Mbanyamingu. 6I Morundikaï pa-tanawangu-ya ba nabera-ya na parai Yeruhali paraïna i Nembukatunehàru, hanganji Mbambilu. I Morundikaï pangàndi-ya la Mbambilu kariana i Yoyakingu, hanganji Yahunda, dàngu dadangu-mapa da tau tanawangu hawiangu. 7Ninya na anawini, angu bokuna, anakaria manandangu ma-kalanggihu, na ma-tamungu Etiru, tàka na tamu Imbarani-na Handaha-ya. Da ina amana i Etiru mbàda meti-daka, tàka hi nanjadi nganggu anana i Morundikaï, na-kabida hama tuna ana wiki-nanya.
8Ba bobaru-yaka na pareta hanganji, dangu anakaria pa-pauhingu la Huhàngu, dàngu i Etiru nimbunya la hongada. Nyuna pa-kariangu-mbuya la uma hanganji hi pakata-nya lai Henggai na kapala kuru uma pangia tau kawini. 9Na-hangàtaru i Henggai ba naita-ya i Etiru dàngu nanamu-ya. Hi naluu wuanya karanu pa-manandangu wàngu dàngu pangangu papindi nu na anakaria. I Etiru pa-palelingu la pangia marihi halawàla la pahàmu nu la pangia kawini; tàka tau mapihu-ha da anakaria marihi karinggatu halawàla la uma hanganji da pawuangu waingaba palumu-nya nyuna.
10Panamatu-nya na papekangu-na i Morundikaï, i Etiru nda napanii-a ba tau Yahundi-ya. 11Nimbihu lodu i Morundikaï ba na-wenangu la talora uma pangia kawini, ka pinya na ngerana i Etiru jàka nggàra ehina.
12Panamatu-nya na pakàli wàngu, pa-wuangu karanu pa-manandangu wànguha la dalu hau ndaungu: nomu mbua wulangu wàngu lonahu pakorungu karanu, hili nomu mbua wulangu wàngu lonahu pakorungu mbii kati hangia - hangia. La hambeli-na nu, da anakaria da-pahilu - pahilungu palua la Hanganji Ahaweru. 13Ba nalua la hanganji na haàtu anakaria pekuna nawàngu etina jàka nggàra papaki-na. 14Wàngu rudungu ba karia-nya la uma hanganji, hadangu harii hi karia-nya la hili hau uma, hi na-tanara-ya paraïna i Haànggahu, na pa-kahala bai ma-tanara kala wihi hanganji. Na anakaria nuna nda nahili lua-apa la hanganji, hinggilu-na jàka nawuku-ya paraïna hanganji dàngu tiki-nanya tamuna ba napaau-nya.
15Ka toma-nanyaka na ngerana i Etiru palua la hanganji. – I Etiru anana i Ambihaïlu-ya angu bokuna i Morundikaï na manganggu ananya i Etiru ba hama tuna ana wiki-nanya; nu i Etiru na-pa-hangàtarungu ta - tauka na maita-ya. Ba nalua la hanganji, nawotu pakina i Etiru tundunya na panii dàngu na panaungu-na i Henggai, na pa-kahala bai ma-kapala-nya na uma pangia kawini. 16Tu dunaka la ndaungu papihu wàna na pareta-na i Ahaweru la wulangu hakambulu, na wulangu Tembitu, pa-kariangu-ya i Etiru lai Hanganji Ahaweru la uma hanganji. 17Nyuna, narihi mbuhanya paraïna hanganji welingu la anakaria hawiangu. Tu dunaka ruku dira mbuha-nanya paraïna hanganji, hi na-patàngapu-nya na tubuku pareta la katiku-na i Etiru, hi na-panjadi-ya tamu ràmbu hiluna i Tamu Ràmbu Wàtihu. 18Hàlaka nu nambabu pa-bokulungu na hanganji ka pa-mangara-nya i Etiru, dàngu hi nadunda ndàbanja da panggawi dàngu da tau bokulu-na. Na-bobaru pakada-nya na lodu nda ràma#na lodu nda ràma; jàka ndia na ngera pa-kawawaku hilu katiku. la nggubulu pareta dàngu hi napabe - beringu pawua juana manda na-jarungu.
I Morundikaï na-pamara-ya na lurina na hanganji
19Nu ba tuna i Morundikaï pawotu-yaka panjadi panggawi pareta. 20Ndedi napanii-a i Etiru ba tau Yahundi-ya nyuna, ba nahiri-dunya paraïna i Morundikaï. Nadu i Etiru ba na-panamatungu lai Morundikaï hama tuna ba anakeda-yapa ba na-kabubulu-ya paraïna na anamini-na, nu na angu bokuna.
21La hau lodu ba talànga ràmana la uma hanganji i Morundikaï da madua da pa-kahala bai la lihi hanganji, i Mbikitàngu dàngu i Terihu, da-pahama kangunduhungu la pa-pameti-ya i Hanganji Ahaweru ba dira karaü-danya eti. 22Nu na pawuku-da napinya paraïna i Morundikaï, hi naluu paniinya i Etiru. Tàka i Etiru nda na-mangenahu-mai duna papanii-nya na hanganji nu na paniina i Morundikaï. 23Nu na lii hi manginjiru-ya, ka lohangu-duna-nyaka ba ma-padeningu-ya nu na kareuku. Nu da tau madua, hi huku pameti-ha ba wàngu pa-tiwalu-nja. Tundunya na pareta-na na hanganji, na rukuna nuna patulihu-ya la mbuku lii ndai pareta.
اکنون انتخاب شده:
ETIRU 2: KAM
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@LAI 1995 Indonesian Bible Society (Lembaga Alkitab Indonesia)