Yisaaya 4
4
1Biha ebyo nibyahoole, abahasi bataanu-na-babiri, bahediire hu musaacha mulala, nibaboola bati, “Efwe beene hunekoonyera ebyohulya neende eby'ohwefwaala, nae leha hulaangeengwe abahasi bao; huhaye ohudiirwa esoni obutadeeha.”
Yerusalemu sichia ohwoombahwa buyaaha
2Ebiha ebyo nibyahoole, esaga ly'Omwaami lyahabonehane bulai muno haandi lyahabe ely'oluyaali, haandi ebyaamo byomu syaalo nibyo ebyahabe omwehoyo neende oluyaali lw'abaandu bahabe nibaonereo mu Yisiraeli. 3Haandi buli muundu yahabe nadoong'ereo mu Siyooni, mani yadoong'a mu Yerusalemu, yahalaangwe omwoolerefu, buli muundu yahabe naloonderwe ohuba omulamu mu Yerusalemu. 4Omwaami yahabe n'amalire ohutusa hu Siyooni esyonoono neende ohulabya hu Yerusalemu amabboondo k'amabaanga niyehoonyera obunyala bw'ohuheenga omusaango neende obw'ohusaamba. 5#Hut 13:21; 24:16.Mani Omwaami achia ohubwiiha hu Lugulu lwa Siyooni lwoosi neende hu abo abahabe nibebuusiireo, esireesi neende omwoosi neende omuliro okweereba mu siro. Oluyaali lw'Omwaami lwahabwiihe hu siko syoosi koti eyeema endaalo choosi. 6Oluyaali olwo lwahafuunihe hu siko esyo omubasu kuhaye ohusyubba, haandi lukaire omuyaka neende efula ohusyuubba, mani abaandu banyoolemo obweyikamo.
©Bible Society of Kenya, 2019
©Bible Society of Uganda, 2019