Nɛra Kura 30
30
Nyoa baɡa Mmarare
1Mosis ŋɔ nomonome baa chɔ Israel deene nyoo la be ŋɔ waa Korowii aa do ba a ta laanee nɔ. 2“Dɛ nomɛlbwa baɡɛ Korowii nyoa kɛɛ dɛ ŋwɛɛ ntam waane ta naa, o bɛ ɡel a chɔ. Ó ɛ wobɛlbwa waa ŋɔa wɛɛ ɛo la.
3Dɛ haah baɡɛ Korowii nyoa kɛɛ dɛ ŋwɛɛ ntam waane ta o toli saŋ waa lɔ o mɛɛ dem, 4asɛ o mɛɛ no o nyobaɡa la, kɛɛ ŋwɛɛra la, o ta wobɛlbwa bolaa, a ta chɔ le. 5O mɛɛ noɔ dɛ kaoh waa, a ta chɛ kɛ haah la teŋɛ a ta kpa. Korowii ɛɛ kpɔɔ kɛo dɛkalkɛ o mɛɛ ta sɛɛh.
6Dɛ o yalɔ mɔɔ dɛ baɡɛ nyoa la kɛɛ a le o nyoa warane o baɡɛ dɛ kpɔ vɔrɔwe o te, 7asɛ o jaa no dɛ tɔ nyoa o ta wobɛlbwa haah la be bolaa, amɔ te ntam kɛɛ nyoa waa baɡa dɛ kpɔ vɔrɔwe o te la ta chɔ le. 8Dɛ o jaa noɔ dɛ kaoh ŋɔ o kpɔ nyobaɡa kwaa la la naa, o bɛ ɡel a chɔ. Korowii ɛɛ kpɔɔ kɛo.
9Luhaah kɛɛ haah o ne o jaa aa vɛh dɔŋa, o ŋwɛɛ ntam kɛɛ dɛ baɡɛ nyoa la, a dawɛ o nɛ.
10Dɛ haah yalɔ asɛ dɛ ŋwɛɛ ntam kɛɛ dɛ baɡɛ nyoa dɛ le waane ta, 11asɛ o jaa no o ta o haah kaeh yaa, dɛ ntam kɛɛ nyobaɡa la ta chɔ le. 12Dɛ o jaa la noɔ dɛ kaoh ŋɔ ó kpɔ ntam kɛɛ nyobaɡa kwaa la la, kɛ a ta chɛ kɛ ó ɡel a chɔ aa, Korowii ɛɛ kpɔɔ kɛo, dɛkalkɛŋɔ o jaa kaoh. 13O jaaree dɔ kpeɡri kɛŋɔ ó sɛh kɛɛ dɛ vɛh nyobaɡa kɛɛ ntam haah la aa ŋwɛɛra la. 14Dɛ o jaa la ta wobɛlbwa bolɛ awola waa noa kɛŋɔ o baɡɛ nyoa la aa, amɔ te dɛ o sɛh haah la ntam ne nyobaɡa waa kpɔa vɔrɔwe o te la. A waa o ta wobɛlbwa bolɛ la. 15O jaa la noɔ mɔɔ dɛ kaoh waa, amɔ te haah la wechɔɡa dawɛ o jaa la nɛ.”
16A ɡɛ Mmarare laanee Korowii do Mosis ŋɔ a chɔ le tɛ baa ne o haah, dɛ baa ne o bihaah o taa soɡe o mɛɛ dem.
اکنون انتخاب شده:
Nɛra Kura 30: mzw
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.