آیات محبوب کتاب مقدس از Hlɔ̌manu 4

É jó nǔɖiɖi dó ǎ; é ka xo nǔ kpɔ́n dó akpá e Mawu dó n'i ɔ́ wú ǎ; é nyɔ́ wa ɔ́, nǔɖiɖi tɔn ná ɛ hlɔ̌nhlɔ́n, bɔ é nɔ kpa susu nú Mawu. Đó é ɖeji bǐ dégbédégbé ɖɔ Mawu ɖó hlɔ̌nhlɔ́n, bó ná ɖe akpá e é dó nú émí é.

Mawuxówéma ɔ́ ɖɔ: “Un sɔ́ we dó ɖó tɔ́ nú akɔta wɔ̌buwɔ́bú.” É wɛ nyí tɔ́ mǐtɔn ɖo Mawu e é ɖi nǔ na ɔ́ nukún mɛ; Mawu e nɔ ná gbɛ mɛkúkú lɛ́ɛ, bó nɔ ɖɔ xó kpowun bɔ nǔ e ma ko tíin ǎ lɛ́ɛ nɔ tíin é.

Mawu jǒ Jezu nú kú ɖó hwɛ mǐtɔn lɛ́ɛ tamɛ, bɔ é ka fɔ́n wá gbɛ, bó ná sɔ́ mǐ dó húzú hwɛjijɔnɔ ɖo nukún tɔn mɛ.

Ablaxámu ɖi nǔ, bó ɖó nukún nǔ; nǔ ɖěbǔ ka ɖe bɔ è sixú ɖó nukún ǎ; nǔ ɖo mɔ̌ có Ablaxámu ɖi nǔ, bó ɖó nukún nǔ. Mɔ̌ wɛ é húzú tɔ́gbó nú togun wɔ̌buwɔ́bú gbɔn, lě e Mawu ko ɖɔ n'i gbɔn é; Mawu ɖɔ n'i ɖɔ: “Lě e vǐ towe lɛ́ɛ ná sukpɔ́ gbɔn é nɛ́.”

Énɛ́ ɔ́, Mawu dó akpá ɖó nǔɖiɖi wútu, bónú é ná nyí nǔníná vɔ̌nu Mawu tɔn, bónú akpá énɛ́ e é dó ɔ́ na nyí Ablaxámu sín vǐ lɛ́ɛ bǐ tɔn. É nyí mɛ e ɖó sɛ́n lɛ́ɛ kɛ́ɖɛ́ wɛ é ná xɔ akwɛ́ ná ǎ; lo ɔ́, é ná xɔ akwɛ́ nú mɛ e ɖi nǔ nú Mawu Ablaxámu ɖɔhun lɛ́ɛ lɔ bǐ. Ablaxámu wɛ nyí tɔ́ mǐtɔn; é wɛ nyí tɔ́ nú mɛ bǐ.

“Nǔ nyɔ́ nú mɛ e Aklúnɔ ɖe agɔ e yě jɛ lɛ́ɛ sín kɔ ná lɛ́ɛ é; yě mɛ e Aklúnɔ sɔ́ nǔ e yě wa nyi do lɛ́ɛ kɛ é. Nǔ nyɔ́ nú mɛ e Aklúnɔ ma xa hwɛ dó kɔ ná ǎ é.”

Đó Mawuxówéma ɔ́ ɖɔ: “Ablaxámu ɖi nǔ nú Mawu, bɔ Mawu kpɔ́n dó nǔ e é ɖi n'i ɔ́ wú, bó mɔ ɛ dó mɔ hwɛjijɔnɔ.”