آیات محبوب کتاب مقدس از Matíe 2

Énɛ́ ɔ́, yě byɔ́ xwé ɔ́ gbe, bó mɔ vǐ ɔ́ kpódó nɔ tɔn kpó, bó jɛ kpo, bó ɖe kɔ́ n'i; yě hun gbǎví yětɔn lɛ́ɛ, bó kan agban n'i; yě ná ɛ siká, bó ná ɛ zǎlínkpɔ́n kpódó célu xɔ akwɛ́ ɖé kpán, bɔ è nɔ ylɔ́ célu ɔ́ ɖɔ Mǐla.

È ji Jezu ɖo Bɛteleyɛ́mu ɖo Juda yíkúngban jí, axɔ́sú Elódu hwenu; nǔnywɛ́tɔ́ e nɔ́ mɔ nǔ jɛ sun sín wuntun wú lɛ́ɛ ɖěe gosín zǎnzǎnhwe jí wá Jeluzalɛ́mu. Ée yě wá ɔ́, yě ɖɔ: “Fítɛ́ Jwifu lɛ́ɛ xɔ́sú e è ji ɔ́ ɖe? Ɖó mǐ mɔ sunví e ɖe jiji tɔn xlɛ́ ɔ́ ɖo zǎnzǎnhwe jí fí e mǐ gosín ɔ́, bó wá xwé kanbyɔ́ gbé.”

Ée axɔ́sú ɔ́ ɖɔ mɔ̌ nú yě gúdo ɔ́, yě jɛ ali. Sunví e tɔ́n bɔ yě kó mɔ ɖ'ayǐ ɔ́ wá jɛ nukɔn nú yě. Ée yě lɛ́ mɔ sunví ɔ́ lě ɔ́, é hun xomɛ nú yě tlala, bɔ sunví ɔ́ ɖo nukɔn nú yě mɔ̌, káká yi fí e vǐ ɔ́ ɖe ɔ́, bó nɔ te.

Mawu ka wá xo dlɔ̌ yě ɖɔ yě ní ma sɔ́ lɛ́ kɔ gbɔn Elódu gɔ́n ó; bɔ yě wlí ali ɖěvo bo yi to yětɔn mɛ. Ée nǔnywɛ́tɔ́ énɛ́ lɛ́ɛ yi gúdo ɔ́, wɛnsagun Aklúnɔ tɔn wá xo dlɔ̌ Jozɛ́fu bó ɖɔ n'i ɖɔ: “Sí te, zě vǐ ɔ́, kplá nɔ tɔn, bó hɔn yi Ejípu; nɔ dɔ̌n káká yi jɛ hwenu e un ná lɛ́ wá ɖɔ xó nú we dó é. Ɖó Elódu ɖo vǐ ɔ́ ba ná hu wɛ.”