آیات محبوب کتاب مقدس از Fa‘ata‘oto 22

A‘oa‘o ia i le tama e tusa ma lona ala; a o‘o ‘ina toeaina lava o ia, e le te‘a ‘ese ai.

O le taui o le fa‘amaulalo ma le mata‘u i le ALI‘I, o le ‘oloa lea ma le vi‘iga ma le ola.

‘Ia sili le mana‘o ‘ina ‘ia ta‘uleleia i le mana‘o i le ‘oloa e tele; ma le agalelei, ‘ia sili le mana‘o i lea i le ario ma le auro.

‘Aua ne‘i fefa‘auōa‘i ma le tagata itagofie; ‘aua fo‘i lua te ō ma le tagata lotoa

O lē ‘ua mataalofa e fa‘amanuiaina o ia; auā e foa‘i atu e ia ana mea e ‘ai i lē ‘ua mativa.

O lē ‘ua fa‘autauta, na te iloa atu le leaga, ma lafi ai; a o ē ‘ua faigofie, e ō atu pea i latou, ‘ona fa‘asalaina ai lea.

E pule le mau‘oa i ē matitiva; e ‘au‘auna fo‘i lē nō mea i lē ‘ua ‘aumai ai ana mea.

O le mau‘oa ma le mativa la te fetaia‘i; na faia i lā‘ua uma e le ALI‘I.

‘Aua ‘e te faoa mea a le tagata mativa, ‘ina ‘ua mativa o ia; ‘aua fo‘i ‘e te fa‘asauā i le faitoto‘a o lē ‘ua tigā. Auā o le ALI‘I, o ia na te faia la latou finauga; na te fasiotia fo‘i i latou o ē fa‘asauā ‘iā i latou.