1
Romanos 14:17-18
Chuya Qellqa 1992
RCHQ2
Diospa munaychakuyninqa manam mikukuyllachu nitaq upyakuyllachu, aswanqa Chuya Espiritupa yanapakuyninwan allinta ruwaspa hawkalla kusisqa kawsakuymi. Kaynatapuni pipas Cristota servispa Diospa munasqanta ruwaptinmi runakunapas allinpaq hapinku.
2
Romanos 14:8
Kawsaspanchikpas Señorninchikpaqmi kawsasun, wañukuspanchikpas Señorninchikpaqtaqmi wañusun. Chaynaqa, wañuspapas kawsaspapas Señorninchikpaqmi kanchik.
3
Romanos 14:19
Chaynaqa, hawkalla kawsakuytayá maskasun, chaynapi iñiqmasinchikkunawan aswan wiñachinakunanchikpaq.
4
Romanos 14:13
Chaynaqa, amañayá kikinchikpuraqa juzganakusunchu, aswanqa tanteakuychik ama wawqe-panikichikta urmachinaykipaq hinaspa iñiyninpi ama wichichinaykichikpaq.
5
Romanos 14:11-12
Chuya Qellqapim kaynata nin: “Señormi nin: Ñoqaqa kawsanim, llapallan runakunaqa qayllaypim qonqorakunqaku, llapallankum ñoqata yupaychawanqaku”, nispa. Chaynaqa, sapakamam Diosninchikman cuentata qosunchik.
6
Romanos 14:1
Pipas pisi iñiyniyuq kaptinqa ama imamantapas atipanakuspayá allinllata chaskiykuychik.
7
Romanos 14:4
Hukpa sirvientenkunata juzganaykipaqqa ¿pitaq qamqa kanki? Patronninchiki sirvientenkunataqa allin otaq mana allin kasqanmantapas juzganqa. Señormi sirvientenkunataqa atiyninwan allinman hurqonqa.