آیات محبوب کتاب مقدس از रोमि 3

चिलिमेनचि सुबिन मनवां पाप एकाःआकु अरो परमेसर रआ महिमा एते चुकाव एकानाकु। अरो उनकु परमेसर एते बकसिस रे मिलाव वनाः दया एते मसी ईसु रे जे उद्धार मेनाःआं, उना रआ दोवासते धरमी ठहराः कनाकु।

परमेसर रआ धरमिकता ईसु मसी रे बिसवास कराव रे होयुः काना, नुवां सुबिन कथिर हेनाःआं जे बिसवास कनाकु, चिलिमेनचि जहन भेद-भाव बनुःआं।

परमेसर ईसु मसी के अपन मयम रआ दोवासते पाप रआ दन्ड अगु केते छमा कथिर एम एदेयाय अरो पाप रआ छमा बिसवास एते होयुःकाना। नुवां परमेसर अपन सहनसिलता एते पहिल कराव वनाः पाप ता अनदेखा कथिर अपन धरमिकता ता देखाव कथिर करावेताय। नियां समेय उनी रआ धरमिकता दिसतार वोःका, जेकर एते परमेसर खुद गी धरमी ठहराःकाय, अरो जे ईसु रे बिसवास इयाय, उनी रिई हों धरमी ठहराव वनीः होयुःकाय।

चिलिमेनचि नियम रआ सुबिन कामि कराव एते जहय मनवा, परमेसर रआ सामने धरमी काकु ठहराः काना नियम रआ दोवासते पाप ता चिनहाः काना।

जेलेका पबितर पोथी रे ओल एकाना, जहय धरमी बङा, मिहोर हों बङा। मिहोर हों सोमोझदार बनुः कुवा, जहय परमेसर के दंड़ा वन बनुः कुवा। सुबिन परमेसर एते संगिञ एनाकु, सुबिन बेकामा एनाकु, जहय हों बुगिन कराव वन बनुः कुवा, मिहोर हों बङा।

इनाते आले मनाः कनाले चि जहय मनवां नियम रआ सुबिन कामि रआ मोताबिक सेन केते बङा, बलकी बिसवास रआ दोवासते धरमी बाय सकाः कनाकु।

केइध बङा! भले दुनिया रेन हरेक मनवां झूठाहा ठहराव ओःओकु, मुदा परमेसर सचा गी होयुःआय, जेलेका चि पबितर पोथी रआ ओल वनाः हेके, “आम अपन गानाम रे धरमी सबिद ओःओम, आम रआ नेयाय होयुःआ रे जिताःआम।”