آیات محبوب کتاب مقدس از Ɓəkpəkpəyawu 3

Mi gnyi nyi n ya! Mi gnyi n abwokwnumi nu mii je kpakwo. Zahozahoyi n wa wo əmi bəgye waa gwu kpakwo ya, mi ɓa loɓe da wo, ma kwnu nyagyi gyi n woi, əwohni ce n kwnusnu n mii.

Mi kpe əfye atnutnu əye lo, nge fye to fufui lo kwo n pyena m. A wo mi lo ngye fye ye zhni dəho gbmanyi nu n ɓa! Ntulonu, shikwonyi fye wo lo ɓwalaɓwala; fye to pyena lo m, fyenyi to fufui lo m; mi la ye ma knyiaknyiya n fyei n əmi əgbe.

“Aza n mi ye ɓa, mi gnaknyi ɓa jesnu ma tá ɓa. Ntulonu fye la əwye nyi, jesnu fya yeabwi.

Mi kpe əfye atnutnu əye lo. Gyewye, mi la abwokwnumi gwuya shi n əfye abye n əzaho taa myi wa gwu m. Mi kpəlo nge fye n kalái lo n ɓwasnu cewyi nu, dudulonu fye la əmi ɓədagbma shiɓwa jesnu to fyei na əmi əye aɓo m.

“Əza n wa gyi nasala, mi ɓə ga wo aba woi kwnu asese tu n mii n əmi əbeshnikpegye, n ɓwasnu ngye shi mi ɓə gyi nasala, minyi kwnu asese tu n əmi Dadai n əwo əbeshnikpegye nyi.

Fye gna lo, ‘Mi n gyiwyei lo; mi la nyaɓwa yezhi jesnu mi to n nyaho apmai lo m.’ Ama fye ta kpəlo nge fye zhi n əsnai nu m, n wna snusnu wnawnai, awyekwoyi, awyebwayi jesnu n zhi n ɓwotoloyii m.

Shikwonyi fye kwu əmi ɓəgbetu shiɓwa, fye kwu nubwo ɓwa n myizhii, əmihni ce ɓə kna fye n mwumwu əsai, n kwo ɓə ɓe kpe n anyì vnyanya nyi, kwoi mwi aza n ɓa fyilo n anyi.

“Mi ɓe lo n pyeepye. La ənya shiɓwa n ho ncei lo, nabai n zahozahoyi to ɓə gwo əho fnunyi m.

Fye kwnúagyewyi! Fye ga ənya kalá n kwo ceshi lo kwoi ye kwa fyí nyi, ntuge mi to gye əfye atnutnu nunui əwye n əmi Shekwoyi awyeba m.