آیات محبوب کتاب مقدس از Afyisuyi 6

Ntuge əyi gnyagwnugnya to zhni nayi ń amii nya nu m, ama ǹ abegyiyii, ń aikwoi, ǹ akalái fyi n wyegbma anyì ye nya, jesnu n azafnu ɓənukwoizhni nya ń ashebmana.

Fye zhniaduwa fyi n Zafnu n asai vnyanya, n aduwazhni dəhodəhoi pyai, n wyegyii. N ɓəyei dna n bwugba, fye kwu zhi n əfyehnii yeyei jesnu ciici fyei zhniaduwa ntu n Dagayi aza ɓo vnyanya.

Fye kwu Shekwoyi akwnuakaya kpe n nunui, nabai n fye ɓa myi fya gnyiapaapa n Shetam agbákwnui.

Ntucenu fye kwu Shekwoyi akwnuakaya anunui kpe vnyanya, nabai shi nyipyei nukwoi ɓə ɓe, fye ɓə myi fya gnyiagnyi zhi, n fya kwu ɓəhoɓəhoi zozhni, fya kwu myizhi.

Ənya n fye ɓa ɓe n aɓo ye vnyanya, fye la okwnukpáta gaiciyaganunui nya la, n əkwoi nu n fye ɓa myi fya wnu əzanukwoyi aknawyi əná ncei. La snuknakàta gnyignyi nya la, n əbeyakwo Zafnu nyai, n kwo nu zhni Shekwoyi ɓədagbma nyi.

Fye kwu myizhi nsaiye, fye kwu gaiciyanunui shnipanya pa n əfye ashni, fya kwu ɓəfyecezhni agwuɓwunya kpe n əɓa aba. Fye kwu abwada fyi n əfye apita n fyehni yeyei fya lo n nabagyi manai bwugbafu nyai.

N kpmasnu, fye kwu akalá fyi dna n Dagayi, jesnu dna n əwo ikwodudui akalá.

“Ga əho dada mwamwa n əho əyai” əkwo nu zhni ɓəgbetu kpmisnui n ɓəgbei shi, “nabai ń aɓo ɓa lo ho n bmya jesnu ha wo wyewyeyi kpamwai agbmada dna n anyì.”

Aɓyi, fye vyi əfye azamayi ɓəda dna ń Dagayi, ntuge dəye dnalo n ɓəfyece zokwo.