آیات محبوب کتاب مقدس از Atnutnu 1

Ama fye ɓə gwo kalá she Zafnu Gyigyiyi ɓə ɓe kpe n fye; jesnu fye ɓə kwu zè əmi Aɓəgbmiyi fyi n Urishelima, jesnu fyi n Yahudiya vnyanya n Samariyai, jesnu kwoi nya anyìcezhiba.”

Wa gna ɓa, “Kwo to zhni əfye əɓo nu fya kpe asa əye kwo anyipyei n Dada ncei kpe, n əwo ikwoi m.

Dna n əsa ho, woi ye tu woi kwnu nyagyigyi n ɓai, wa ga ɓa ɓəgbetu ye: “Fye to kwnuya n Urishelima m, ama fye kwu pmi ɓəgbeshi əmi Dada nyaga nya ń fye ɓə kwu wo mii da əkwo ɓo nyi. Ntuge Yohana ɓə zhni batizima n nuwnai nu, ama fyi n anyipyei fyewyi n ɓa ɓe nyi, a ɓə zhni fye batizima n Zafnu Gyigyiyii nu.”

N əwo azhnìgye avnu, wa kwu əwohni wu n əɓa aba jesnu wa wu ɓa aɓo n kwnuawye kwnukwnui n mwa bəgyé, nge wo ɓə n wyewyeyii. Wa kpeya da ɓa n du anyipyei shiinyi ya jesnu wa daɓo ntu Shekwoyi əbemi ɓo.

Shi wo ɓə kwu ɓəye da, a la wo gwnulo ncei n əɓa awye, jesnu ənyì kwa ɓwu wo n əɓa awyeba.

Ɓai n awyei kpmiwu zhi byiwuu n əshebmana ɓai gye shi wo ɓə gnyi woi gwnulo, aza ngwnu-aba n aje abwuibwuii kpe ɓa kpmiyazhi n ma ɓa. Ɓa gna, “Əfye Agəliliyi, knyiyi nu zhni fyenyi gnyiagnyi zhi fyei shi əshebmana awye a? Yeisu ye, ń a la wo lá n fye aba, woi gwnulo əshemi nyi, wo ɓə jezeɓe n ɓwasnu nlai nu, shi fye gye woi gwnulo əshemi nyi.”