آیات محبوب کتاب مقدس از GHLƆMÖÖ NƖKPAA 'BƆGƲ 2

Nɩkpa -wa -wʋɩ-a nʋ 'le -nmö -wʋʋa-a tu 'le 'bhë -ɩ wa -wʋ-a nʋ 'le, -nmö -wʋɩ 'yɛ-ɛ -na nʋ 'le-e, -n 'pa-a dlɩ -n nɛ -n bhɛlɩ -n 'yɛ -Lagɔɔ -zijle ngli 'wlʋ? Bhlɩ'ɩ sa ʋ -ga-a -na de cɛ tenyi, 'n ʋ -jɔnʋnʋmö-a cɛ, 'n ʋ -wʋ-ɔ -na de dlɩ sɛ sɩbha 'le tenyi, mɩ-ɩ -nyumö-a dlɩ yawʋɔ? -Nn cɛ sɛ -ji naa, -Lagɔ -yɛ -sɩbha -na de cɛ -ga-a, -n 'yɛ ligba, -n 'yɛ -na 'jinyloli cɛ 'mö -saa yɛ-a?

-Mɔɔ bhë -n ji glɩnɩ, -nmö tu-a -mʋmʋa, gbʋ 'na -kamö -gömö 'bhö-ö. -Wʋʋ yɛ-a, -n -yɛ -mʋmʋa tu 'le -wʋ, -ɩ wa -wʋ-a nʋ 'le -n -wʋɩ 'yɛ -na nʋ 'lee yɛ, -najɩ -n -wʋ-a gbʋ köbha-a 'le.

-Wʋʋ yɛ-a, -Lagɔ 'nɩ gbëzɩ nɩkpa 'mö.

-Wa pönɩ-a -Lagɔɔ gbö 'yukwli, mʋa 'nɩ -bha -Lagɔɔ 'ji 'klʋ 'mö slɛnɩ, -wa zʋɩ-ɛ -bha, 'mʋa -Lagɔ zʋa-a 'möslɛnɩngwa 'wʋ.

-Bha ʋ ji-a nɩkpa wa nʋnʋlie yɛ plʋnʋɔ -bhlʋ -bhlʋ.

-Mʋa ka-a 'lʋlʋlibhoo yɛ -wa sa-a -bha 'dɛdɛɛgbawɛlɩ 'n wa zʋ-ɔ -bha -ɩ 'nɩ-a 'mö slɛnɩ, 'mʋa -Lagɔ ji-a ʋ yʋlʋ -yɛ ʋ 'kalɛ 'sɔ -gömö -laa.

-Ma ɩ 'mö, -na dlɩ -n -wʋ-a 'mö 'tumanɩ 'le, 'n -n 'tɛ-a 'yukwli 'möö yɛ, -Lagɔɔ yʋlʋ -bebe -n -wʋ-a -najɩɛ yɛ -bʋ 'le. -Zlɩ ʋ yʋlʋ 'kadʋɔ de -yɛ nyini, ʋ 'möslɛnɩzijle -yɛ zɩkpa pönɩ gbʋ -kamö ghlɩ.