آیات محبوب کتاب مقدس از Kolosiɛ́ŋ 2

Aná núányáátáp ɛ́ɛ́ Kilíis Yésuse unyɛɛ́ Ɔkɔ́n, ɔnusɔ́tɔ́n ɔtɛ́m omoómí nɛɛyɛ́. Anuluán iŋaŋá kɛ́ɛ́yɛ́, wɔ́ unyɛɛ́ indin yaanɔ́ i kusɔ́t, nupílúndɛn á kuátap yá aná pómoónúónyítonyi, nulémbesi Támbákɛ́ɛ.

Nutiátáp ɛ́ɛ́ mɔɔnd nupúlit na tutátɔ́ tú punya pɛɛnduɛ, tútiányípá túɔkɔnɔkɔn. Tutátɔ́ asɛ tukáánɛ́ túólinon ɛ́ pinɛ́m pi punya pɛɛnduɛ na pikaaka pí piliínditíe pi indikis pifuŋenée e kúúsí ekue. Tutátɔ́ tukáánɛ́ tipá tu Kilíis.

Panɔ́ epe numaápá pekúén insúá ó pusíó pu pifal píánɔ́ na kati kupíansɛ, maná Támbákɛ́ɛ waanúfá kusɔ́t é Kilíis: waátuyapɛn pikua píásɔ́ piim, Waalaf ɔmbɔp ú kisɔ́ɔ́mɔnɔ útíínyenyée aná pikotí tuɛ́tikɛnɛ́ɛ, Weenyúkusit wɔ, Wɔɔtɔɔndɛn wɔ́ ó kolóse

Á kiákí ɛ́ɛ́ epú kitikit púnyɛɛ́ á Támbák mɔɔsípɔkímɛ́t é Kilíis, púɔ́lɔp kitikiteékitikite kɛ́ɛ́yɛ́. Púnyɛ kɛ́ɛ́yɛ́ numaátáŋáp puandá kitikit táásɛ lééŋ, wɔ́ ewu unyɛɛ́ ɔkɔ́n u numíánsina kitikit na kipia kitikit.

Akáánɛ́ mɔɔnd tinúpɛnɛ́ ó pusíó pu ikámbí tɛ púkupúwa, tɛ ó pusíó pú mɔtɔ́mbí pɔsɔ́k pómotí tɔyɔnɛ́ é metúk mómotí pɔsɔ́k áákanɛ́ ɔ́ niɔlɔ́, tɛ ó pusíó pú oólí kupal, no ó pusíó pú sápat. Mɔ́ɔ́ meem mányɛ kiliínditíe kí maandá móónyóólée, kémuémue nyɛɛ́ Kilíise wɔ́ muɛ́t wɔ.