آیات محبوب کتاب مقدس از نامَه اوّل پِطرُس 4

از هَمَه مهمتَه، خاطر یَکُدو از دل و جو تُبِئِه، اَسِی که محبت کِردَ، گناهِی زیادا اَپوشِنِه.

وَ عنوان مباشرِی خَشی که فیض مَ رَکَمِنِ خدا اُ آنایا دَدَ بُدِ، هر یَکتو عطایی که تُگِرِتِه، اَسِی خدمت اُ یَکُدو اُ کَر بِبری.

هرکَه حرف اَزاد، حرفُش چُنِ حرفِی خدا بِه. و هرکَه خدمت اَکو، وَ کُدرتی که خدا اَدَ خدمت بِکو، تا تِی مَچی خدا اُ واسطَهِ عیسی مسیح جلال پیدا بِکو. جلال و حُکمرانی مال آنائِه تا اَبَدالآباد. آمین.

با اِ حالا، اَگَه کسی وَ اسم یَک مسیحی عذاب اَکَشِه، خَجالَت نِکَشِه، بلکه وَ مِ اسما، اُ خدا حمد و ستایش بِکو.

آخر مَچی نَزیکِه؛ پَ خوددار و وَخاطر دعائیاتو هوشیار بی.

اَی عزیزیا، از اِ تَشی که اَسِی امتحان کِردَهِ شما، تُن مارَکَه اُفتَدِ تعجب مَکنی، اوناکِه اُنگار یَک چِی عجیبی تُن سِرَ اُندِ. بلکه از اِکِه تِی عذابِی مسیح شریک بُستی خارام بی، تا موکَه‌ای که جلال آنا آشکار اَبِه شما هم خارامی بِکنی و کِل بِکَشی.

از یَکُدو بدون کُر کُر کِردَ مِهمون‌نوازی بِکنی.

پَ بِهِر تَ کسِی که وَ خواست خدا عذاب اَکَشِت، جون خوشو اُ ’خالک وفادار‘ هاتِت و اُ کَرِی خَش ادامَه هاتِت.

پَ اَسِی که مسیح تِی جسم عذاب اُشکَشی، شما هم اُ خوتو وَ مِ طرز فکرا حاضر و آمادَه نِگَه بِکنی، اَسِی که هرکَه تِی جسم عذاب اُشکَشِدِ، دِگَه کَری شُ گناه نی. وَخاطر هَمِ، بَکیَه عمرِ تِی جسما، وَ خواستَهِ خدا زندگی اَکو نِه وَ هوی و هَوسِی بَشَری.

خوش وَ حالتو اَگَه وَخاطر اسم مسیح شُن شما دُشمو دَ، اَسِی که روح جلال، روح خدا، تُن لو اَدَمانِه.