آیات محبوب کتاب مقدس از ရူဝ်းမႃႉ 12

သူ​ယႃႇ​ပေ​ႁဵတ်း ပုင်ႇ​ႁၢင်ႈ​လေႃးၵီႇ​သေ​ၵမ်း။ ၼင်ႇ​ႁိုဝ်​သူ​တၵ်း​ၸၢမ်း​တူၺ်း​လႄႈ ႁူႉ​လွင်ႈ​ဢၼ်​တၢင်း​ဢၼ်​လီ​ဢၼ်​မျၢတ်ႈ၊ တၢင်း​ဢၼ်​ထုၵ်ႇ​ၸႂ်၊ တၢင်း​ဢၼ်​ၸေး​ၸုမ်ႇ ဢၼ်​ဝႃႈ​ဢလူဝ်ႇ​ၽြႃး​ပဵၼ်​ၸဝ်ႈ ပဵၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်​ၼၼ်ႉ​ၸိုင် မႄး​ႁဵတ်း​ႁူဝ်​ၸႂ်​ဢၼ်​မႂ်ႇ​လႄႈ ႁွတ်ႈ​ပုင်ႇ​ႁၢင်ႈ​တၢင်း​ဢၼ်​ၶၢႆႉ​ပုတ်ႈ​သေ​တႃႉ။

ပီႈ​ၼွင်ႉ​ၶဝ်​ဢိူၺ်း၊ ၼင်ႇ​ႁိုဝ်​သူ​တၵ်း​ႁဵတ်း​တၢင်း​ဢၼ် ဢဝ်​တူဝ်​ၶၼ်ႇ​ထႃႇ​သူ​သၢၵ်ႈ​ၵၢပ်ႈ ၵႃႈ​တီႈ​ၽြႃး​ပဵၼ်​ၸဝ်ႈ​လႄႈ ပုၵ်ႈ​ၸေႃႇ​ႁႂ်ႈ​ပဵၼ်​ယိတ်ႈ​ဢၼ်​ဢသၢၵ်ႈ​လိပ်း​မူတ်း​ၸၢင်ႇ​လႄႈ ထုၵ်ႇ​ၸႂ်​ၽြႃး​ပဵၼ်​ၸဝ်ႈ​ဢၼ်​ဝႃႈ ဝၢတ်ႈ​ဢၼ်​သူ​ထုၵ်ႇ​လီ​ႁဵတ်း​ၼၼ်ႉ​ၸိုင်၊ ၵဝ်​ထွၵ်ႈ​လူၺ်ႈ​ၵရူႉၼႃႇ​ၽြႃး​ပဵၼ်​ၸဝ်ႈ​လႄႈ တိုၵ်း​ယူင်း​ၸူဝ်း​ဢဝ်​သူ​ဢေႃႈ။

ၼႂ်း​တၢင်း​ဢၼ်​မုင်ႈ​ထႃႈ​မွင်း​ထႃႈ​ၼၼ်ႉ​ၸိုင်​သိူဝ်း​ပျေႃႇ​တႃႉ။ ၼႂ်း​တုၵ်ႉ​ၶႃႉ​တၢင်း​ၽၢၼ်​ၼၼ်ႉ​ၸိုင် ယိူၼ်ႉ​ၶၢမ်ႇ​တႃႉ။ ၼႂ်း​တၢင်း​ဢၼ်​ႁဵတ်း​သူး​တွင်း​ပထၼႃႇ​ၼၼ်ႉ​ၸိုင် ႁဵတ်း​တႃႇ​သေႇ​ဢမ်ႇ​ထၢတ်ႇ​တႃႉ။

ယႃႇ​ပေ​ၶၢမ်ႇ​တၢင်း​ဢၼ်​ႁၢႆႉ​ဢၼ်​ႁုၵ်း​ပႄႉ​ၼႅင်ႇ။ ဢဝ်​တၢင်း​ဢၼ်​လီ​ဢၼ်​ငၢမ်း​ပႄႉ​ၼႅင်ႇ​တၢင်း​ဢၼ်​ႁၢႆႉ​ဢၼ်​ႁုၵ်း​တႃႉ။

ၼႂ်း​တၢင်း​ဢၼ်​ပီႈ​ၼွင်ႉ​ႁၵ်ႉ​ၵၼ်​ၼၼ်ႉ​ၸိုင် မၢတ်ႈ​ပဵၼ်​ၸိူဝ်ႉ​ၼင်ႇ​ၵေႃႉ​သေႈ​ပၵတီႉ​သေ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၸူမ်း​ပႅင်း​ၵၼ်​တႃႉ။ ၼႂ်း​တၢင်း​ဢၼ်​ယွင်ႈ​ယေႃး​ၼၼ်ႉ​ၸိုင်၊ ယွင်ႈ​ယေႃး​ပိူၼ်ႈ​တၢင်ႇ​ၵေႃႉ​ၼႃႇ​သေ​တူဝ်​ၸဝ်ႈ​ၵဝ်ႇ​တႃႉ။

ႁႂ်ႈ​ၸႂ်​မႅတ်ႈ​တႃႇ​ၵၢင်း​လွတ်ႈ​တင်း တၢင်း​ဢၼ်​ၸၢင်ႈ​ထိမ်ႇ​ၸၢင်ႈ​မႅပ်း​တႃႉ။ လီ​ႁင်ႈ​တၢင်း​ဢၼ်​ႁၢႆႉ​မိူၵ်ႈ​တႃႉ။ ဢိင်​တၢင်း​ဢၼ်​လီ​ဢၼ်​ငၢမ်း​လႄႈ ၸပ်း​ၸွမ်း​တႃႉ။

ပေႃး​သူ​ႁဵတ်း​လႆႈ​ၸိုင် ၵႃႈ​ၼင်ႇ​ဢၼ်​တၢတ်ႈ​ၼိူင်ႇ​လႆႈ​ၼၼ်ႉ ယူႇ​ထုၵ်ႇ​မေႃ​ၵၼ်​တင်း​ၵူၼ်း​တင်း​သဵင်ႈ​တင်း​လူင်​တႃႉ။

ၵေႃႉ​ႁၵ်ႉ​ၶဝ်​ဢိူၺ်း၊ ပေႃး​ပိူၼ်ႈ​ၽိတ်း​ပိူင်ႈ​သူ​ၸိုင် သူ​ယႃႇ​ပေ​ၶိုၼ်း​တွပ်ႇ​ပၼ်​ဢၶႂၢင်ႉ​တီႈ​တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​တႃႉ။ ၵျၢမ်း​လိၵ်ႈ​မႃး​ၸမ်ႉ ၵဝ်​ပိူင်ႇ​ၸီႇ​ယၢင်ႇ​ဢပႅတ်ႈ​တြႃး​ဢေႃႈ။ ၵဝ်​တၵ်း​ၶိုၼ်း​တွပ်ႇ​တႅၼ်း​ပၼ်​ၵႃႈ​ၼင်ႇ​ဢၼ်​ဢပႅတ်ႈ​မီး​ၼၼ်ႉ​ဢေႃႈ ဝႃႈ​ၼႆ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။

ၼႂ်း​တၢင်း​ဢၼ်​ဢဝ်​ႁႅင်း​ႁဵတ်း​ၼၼ်ႉ​ၸိုင် ယႃႇ​ႁႂ်ႈ​မီး​တၢင်း​ဢၼ်​ၶၢၼ်ႉ​ဢၼ်​ဢိူၼ်။ ၼႂ်း​လႂ်​ၵေႃႈ ၵႆႉ​ၶၵ်း​လႄႈ ၸွမ်း​ဢလူဝ်ႇ​ၽြႃး​ပဵၼ်​ၸဝ်ႈ​တႃႉ။

ၼင်ႇ​ႁိုဝ်​သူ​တၵ်း​ဢမ်ႇ​ထၢင်ႇ​လွင်ႈ​တူဝ်​ၸဝ်ႈ​ၵဝ်ႇ လိူဝ်​တွၼ်း​သေ​ဢၼ်​တူဝ်​ၸဝ်ႈ​ၵဝ်ႇ​ထုၵ်ႇ​လီ​ထၢင်ႇ​ၼၼ်ႉ​လႄႈ တူဝ်​ၸဝ်ႈ​ၵဝ်ႇ​တၵ်း​ထၢင်ႇ​သေႇ​ၶျႃႇ​လီ​ငၢမ်း​ၸွမ်း​ၵႃႈ​ၼင်ႇ​ဢၼ် ၽြႃး​ပဵၼ်​ၸဝ်ႈ​မႅင်ႇ​ပၼ်​တၢင်း​ဢၼ်​ယုမ်ႇ​မၢတ်ႈ တီႈ​ၵူၼ်း​ၵူႈ​ၵေႃႉ​ၵူႈ​ၽူႈ​ႁင်း​ၽႂ်​ႁင်း​မၼ်း​ၼၼ်ႉ​ၸိုင် ၵဝ်​ဢိင်​ၵျေး​ၸူး​ၸဝ်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​သေ​လႄႈ သင်ႇ​လၢတ်ႈ​ဝႆႉ​တီႈ​ၶဝ်​ၸိူဝ်း​ဢၼ်​မီး​ယူႇ​ၵႃႈ​ၼႂ်း​သူ ၵႃႈ​မီး​တင်း​သဵင်ႈ​တင်း​လူင်​ဢေႃႈ။

ပုၼ်ႈ​တၢင်း​ဢၼ်​ဢမ်ႇ​လီ​ၸိုင် ယႃႇ​ပေ​ၶိုၼ်း​တႅၼ်း​ပၼ်​တၢင်း​ဢၼ်​ဢမ်ႇ​လီ​တီႈ​ၽူႈ​လႂ်။ ၵျၢမ်ႇ​ပွင်​တၢင်း​ၵမ်​တၢင်း​ၵျၢင်ႉ​ဢၼ်​လီ​ဢၼ်​ထုၵ်ႇ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​တႃႉ။

ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​မီး​ၸႂ်​သၽေႃး​ဢၼ်​လဵဝ်​ၵၼ်​တႃႉ။ ယႃႇ​ႁႂ်ႈ​မီး​ၸႂ်​ဢၼ်​ၸပ်း​ၸွႆး​တၢင်း​ဢၼ်​သုင်​တင်း​လၢႆ။ ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ၶျႃး​တႅမ်ႇ​ၼၼ်ႉ​တႃႉ။ ၵဝ်​မီး​ပိင်ႇ​ၺႃႇ​ဝႃႈ​ၼႆ ယႃႇ​ပေ​ထၢင်ႇ​ပေ​ထိူမ်​တီႈ​တူဝ်​ၸဝ်ႈ​ၵဝ်ႇ။

ပိူဝ်ႈ​ၼႆ​လႄႈ ပေႃး​ရၢၼ်ႇ​သူႇ​မႂ်း​ဢိုပ်း​ယၢၵ်ႈ​ၸိုင် ႁဵတ်း​လဵင်ႉ​ႁဵတ်း​လူ​တီႈ​မၼ်း​တႃႉ။ ပေႃး​မၼ်း​တွင်ႉ​မႆႈ​ၼမ်ႉ​ၸိုင် ပၼ်​ပုၼ်ႈ​ဢၼ်​မၼ်း​တၵ်း​ၵိၼ်​တႃႉ။ ပေႃး​မႂ်း​ႁဵတ်း​ၸိူဝ်ႉ​ၼင်ႇ​ၼၼ်​ၸိုင် မႂ်း​တၵ်း​ၵွင်​ထၢၼ်ႇ​ၽႆး​ဝႆႉ​ၵႃႈ​ၼိူဝ်​ႁူဝ်​မၼ်း​ဢေႃႈ။

တီႈ​ၶဝ်​ၸိူဝ်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​သူ​ၼၼ်ႉ​ၸိုင် သူင်ႇ​ပၼ်​မႅတ်ႈ​တႃႇ​တႃႉ။ ယင်း​ဢမ်ႇ​ၵိၼ်ႇ​ဢမ်ႇ​လႃႇ​လႄႈ သူင်ႇ​ပၼ်​မႅတ်ႈ​တႃႇ​တႃႉ။- သိူဝ်း​ပျေႃႇ​လူၺ်ႈ​ၵၼ် တင်း​ၶဝ်​ၸိူဝ်း​ဢၼ်​သိူဝ်း​ပျေႃႇ​ၼၼ်ႉ​တႃႉ။ ႁႆႈ​ႁွင်ႉ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ႁႆႈ​ႁွင်ႉ​ၼၼ်ႉ​တႃႉ။

မိူဝ်ႈ​ဢၼ်​ၵူၼ်း​မူတ်း​ၸၢင်ႇ​တင်း​လၢႆ ယၢၵ်ႈ​ၽၢၼ်​ၼၼ်ႉ​ၸိုင် ၽႄ​ၸွၼ်း​ယိုၼ်ႈ​မႅင်ႇ​တႃႉ။ ၵျူဝ်း​ၸႃး​လႄႈ ႁဵတ်း​ဝၢတ်ႈ​ၶႅၵ်ႇ​တႃႉ။

ဢူႉပမႃႇ​ၸမ်ႉ၊ ၸိူဝ်ႉ​ၼင်ႇ​ဢၼ်​ၼႂ်း​တူဝ်​ဢၼ်​ၼိုင်ႈ ႁဝ်း​မီး​ဢၢင်ႇ​ၵႃႇ​ၼမ်​ၼႃႇ​လႄႈ၊ ဢၢင်ႇ​ၵႃႇ​ၸိူဝ်း​ၼၼ်ႉ​ဢမ်ႇ​မီး​တၢင်း​ဢၼ် ႁဵတ်း​လွင်ႈ​တၢင်း​ဢၼ်​ၼိုင်ႈ​ၵူၺ်း​ၼၼ်ႉ။- မိူၼ်​ၼင်ႇ​ၼၼ် ႁဝ်း​ဢၼ်​ပဵၼ်​ၵူၼ်း​ၼမ်​ၼႃႇ​ၼႆႉ ပဵၼ်​တူဝ်​ဢၼ်​လဵဝ်​ၼႂ်း​ၸဝ်ႈ​ၶရိၸ်ႈ​လႄႈ ပဵၼ်​ဢၢင်ႇ​ၵႃႇ​ၼင်ႇ​ၵၼ်​ၵၼ်​ဢေႃႈ။