آیات محبوب کتاب مقدس از မၢတ်ႈထႄႇ 20

ၼႂ်း​သူ​ၸမ်ႉ၊ ဢမ်ႇ​လႆႈ​ပဵၼ်​ၸိူဝ်ႉ​ၼင်ႇ​ၼၼ်။ ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၶႂ်ႈ​ပဵၼ်​ၵူၼ်း​ယႂ်ႇ​သူ​ၼၼ်ႉ ႁႂ်ႈ​ၵေႃႉ​ၼၼ်ႉ ပဵၼ်​ၵူၼ်း​ၸႂ်ႉ​ၵူၼ်း​သွႆ​သူ​တႃႉ။- ၼႂ်း​သူ​ၼႆႉ ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ၶႂ်ႈ​ပဵၼ်​ႁူဝ်​သူ​ၼၼ်ႉ​ၵေႃႈ ႁႂ်ႈ​ၵေႃႉ​ၼၼ်ႉ ပဵၼ်​ၶႃႈ​သူ​တႃႉ။- မိူၼ်​ၼင်ႇ​ၼၼ် လုၵ်ႈ​ၵူၼ်း​မႃး ႁႂ်ႈ​လႆႈ​ၸႂ်ႉ​ၵိၼ်​ပိူၼ်ႈ​ဢမ်ႇ​ၸႂ်ႈ။ မႃး​ႁႂ်ႈ​လႆႈ​ၶၢမ်ႇ​တၢင်း​ဢၼ်​ပိူၼ်ႈ​ၸႂ်ႉ ဢိၵ်ႇ​တင်း​ႁႂ်ႈ​လႆႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​သေ​လႄႈ ထုတ်ႇ​ဢဝ်​ၵူၼ်း​ၼမ်​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မိူၼ်​ၼင်ႇ​ၼၼ် ၶဝ်​ၸိူဝ်း​ဢၼ်​တူၵ်း​လိုၼ်း​တၵ်း​တူၵ်း​ဢွၼ်​တၢင်း​ဢေႃႈ။ ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း တၵ်း​တူၵ်း​လိုၼ်း​ဢေႃႈ။ ပိၵ်ႉ​သမ်ႉ​ၶဝ်​ၸိူဝ်း​ဢၼ် မၼ်း​ၸဝ်ႈ​ႁွင်ႉ​ဢဝ်​ၼၼ်ႉ ၼမ်​ၼႃႇ​သေ​ၵေႃႈ၊ ၶဝ်​ၸိူဝ်း​ဢၼ်​မၼ်း​ၸဝ်ႈ​လိူၵ်ႈ​ၵဵပ်း​ဢဝ်​ၼၼ်ႉ ၵေႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​မီး​ၸႂ်​ဢၼ်​ဢဵတ်း​လူ​လႄႈ တိူဝ်ႉ​သႂ်ႇ​မၢၵ်ႇ​တႃ​ၶဝ်​ၼၼ်ႉ​ဢေႃႈ။ ၶဝ်​ၼၼ်ႉ မၢၵ်ႇ​တႃ​ႁၼ်​မႃး​ၵမ်း​လဵဝ်​လႄႈ ၸွမ်း​ပႃႈ​လင်​မၼ်း​ၸဝ်ႈ​ၵႂႃႇ​ဢေႃႈ။