آیات محبوب کتاب مقدس از TESALONIKA HWAI 3

Doba maman Adehsud, kaba, en medoc dag hom an mamanohob. Dangga hang, en emamsoho yen touwero. Doba en eic goubesa dou yen, dauntoba yen yaiyan meigdocesem. Dara en eseyeiyo yen dougwo Sud Hom Mobgos Maha toua terimda.

Hang emen emacgeij en, dauntoba yen yemobsara dau sug yen yaimo ucina mog erij gin touwero. Doba en eic yen meigdoc aiyansem dou yen naugb yen yaimo gin terimda. Aninim dag enin toua aimo ucina mog erij naugb yen sug nosa touohob. Dara emen emacgeij en naugb en ousa yen, dauntoba yen yecinaga dau sug Allah medoc gororougb yen gini meijouhw augwan bedreg dau sug nosa toua deit.

Doba dan indagunerij, dara dan indamouwerij, eisaugb leng lesbes emen emir an areg emen emesai dou yenohob. Hanoba len lagaij merisira dougwo sug len leicara terimda, kaba, emen emesulou yen se maman Adehsud Yesus Krisdus, en moho, dag yen yemeigtou desij lenero. Doba yen yasid yenin dau len namcir, anai emen emeperwei en mohw naugb ginohob.

Dara yen yocuncum naugb emen toua, dauntoba Allah eigdoc emen dau areg gecgu augwan toua namcir. Anai leinyana, kaba, len merdoc emebdebin an maman Adehsud en mer ginero. Doba len merdoc esrougb dara merug mog an emen toua terimda.