آیات محبوب کتاب مقدس از လံာ်ဒၤနံးယ့လး 5

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

တၢ်လၢဘၣ်တၢ်ကွဲးလီၤတ့ၢ်အီၤတဖၣ်မ့ၢ်အအံၤ, “မန့ၤ, မန့ၤ, တက့လးဒီးပၤစ့ၣ်,” န့ၣ်လီၤ. ဒီးအခီပညီမ့ၢ်တၢ်အံၤလီၤ. “မန့ၤစံးတၢ်န့ၣ်မ့ၢ်နီၣ်ဂံၢ်, ဒီးကစၢ်ယွၤဂံၢ်နဘီန မုၢ်အမုၢ်နံၤမုၢ်သီတဖၣ်ဒီးမၤကတၢၢ်ကွံာ်အီၤလီၤ. တက့လးစံးတၢ်န့ၣ်မ့ၢ်တၢ်အတယၢၢ်ဒီးနဘၣ်တၢ်စီၤနၤလၢ စီၤပီၢ်အပူၤဒီးနတဃၢဘၣ်လီၤ. ပၤစ့ၣ်စံးတၢ်န့ၣ်မ့ၢ်တၢ်နီၤဖးတဖၣ်ဒီး, နဘီနမုၢ်အံၤဘၣ်တၢ် နီၤဖးအီၤဒီးဟ့ၣ်လီၤအီၤဆူပှၤမၤဒဲဖိဒီးပှၤပၤရၣ်ဖိတဖၣ်အအိၣ်လီၤ.”