ယွၤစံးဝဲဒၣ်, မုၢ်နံၤတဖၣ်ဟဲဝဲ, ဖဲဘုဧိၤဟုဧိၤတဖၣ်ကမဲထီၣ်ချ့န့ၢ်ဒံး တၢ်ကူးအီၤကသ့အကတီၢ်, ဒီးစပံးမုၢ်တဖၣ်ဒိၣ်ထီၣ်ဝဲကချ့န့ၢ်ဒံး တၢ်မၤစပံးထံကသ့အကတီၢ်န့ၣ်လီၤ. ကစၢၢ်ကလိတဖၣ်ကလီၤစီၤဒီးစပံးထံအဆၢဒီးတၢ်လူၢ်ခိၣ် တဖၣ်ကယွၤလီၤဃုာ်ဒီးစပံးထံန့ၣ်လီၤ.
ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.