သတူၢ်ကလာ်, စီၤအးဘၡါလိၣ်ဘၣ်သဂၢၢ်လိာ်သးဒီးစီၤဒၤဝံးအပှၤတနီၤန့ၣ်လီၤ. စီၤအးဘၡါလိၣ်ဒိးဝဲကသ့ၣ်လၤတဒု, ဒီးဖဲကသ့ၣ်န့ၣ်လဲၤတၢ်လၢသ့ၣ်သ့ထိးဖးဒိၣ်တထံးအဖီလာ်အခါန့ၣ်, စီၤအးဘၡါလိၣ်အခိၣ်သူဘၣ်ဘျးဒီးသ့ၣ်ဒ့တဖၣ်လီၤ. ကသ့ၣ်လၤဃ့ၢ်ဆူညါဒီးစီၤအးဘၡါလိၣ်အိၣ်လီၤစဲၤတ့ၢ်လၢတၢ်ဖးဖီန့ၣ်လီၤ. စီၤဒၤဝံးအပှၤအကျါတဂၤထံၣ်အီၤဒီးက့ၤတဲဘၣ်တၢ်ဂ့ၢ်ဆူစီၤ ယိၤအာ်ဒ်အံၤ, “တၢ်ဒိၣ်ဧၢ, ယထံၣ်ဘၢစီၤအးဘၡါလိၣ်လီၤစဲၤလၢသ့ၣ်သ့ထိးဖၣ် တထံးအခံန့ၣ်လီၤ.”