آیات محبوب کتاب مقدس از လံာ်စီၤပၤခံဘ့ၣ်တဘ့ၣ် 4

စီၤအလံၤၡါသံကွၢ်ဝဲဒၣ်, “ယကဘၣ်မၤန့ၢ်နၤတၢ်မနုၤလဲၣ်. တဲဘၣ်ယၤတက့ၢ်. လၢနဟံၣ်န့ၣ်တၢ်မနုၤအိၣ်လဲၣ်.” ပိာ်မုၣ်စံးဆၢအီၤ, “တၢ်အဂၤတအိၣ်နီတမံၤဘၣ်. အိၣ်ဒၣ်ထဲသ့ၣ်စၤယံးအသိ, အကိဆံးဖိတဖျၢၣ်ဧိၤန့ၣ်လီၤ.”

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

စီၤအလံၤၡါတဲဘၣ်အီၤ, “လဲၤဆူပှၤလၢနဃၢၤတဖၣ်အအိၣ်ဒီးဃ့ လိၢ်န့ၢ်ကိအိၣ်ကလီတဖၣ်အါဝဲ, တသ့ဖဲအသ့တက့ၢ်.

ဝံၤဒီး, နၤဒီးနဖိခွါတဖၣ်လဲၤနုာ်ဆူဟံၣ်ပူၤ, ကးတံာ်ဃာ်ပဲတြီဒီးစးထီၣ်လူလီၤသိဆူကိတဖၣ်အပူၤတက့ၢ်. တုၤအပှဲၤတဖျၢၣ်ဒီးပာ်ကွံာ်အီၤဆူတၢ်ကပၤပှီၢ်ပှီၢ်တက့ၢ်.”

တုၤအဝဲသ့ၣ်မၤပှဲၤကိခဲလၢာ်ဝံၤန့ၣ်, ပိာ်မုၣ်န့ၣ်သံကွၢ်ဝဲ မ့ၢ်ကိအဂၤအိၣ်ဒံးဧါ. အဖိခွါအကျါတဂၤစံးဆၢဝဲ, ကိအဝဲန့ၣ်မ့ၢ်ကိလၢခံကတၢၢ်တဖျၢၣ်န့ၣ်လီၤ. ဒီးသ့ၣ်စၤယံးအသိဆိကတီၢ်ယွၤလီၤဝဲဒၣ်န့ၣ်လီၤ.

အဝဲလဲၤကဒါက့ၤဝဲဆူဝံအလံၤၡါအအိၣ်ဒီးဝံအလံၤၡါစံးဘၣ် အီၤ, “ဆါကွံာ်သ့ၣ်စၤယံးအသိန့ၣ်, ဒီးလိးတူာ်ကွံာ်နကမၢ်ခဲလၢာ်, ဒီးစ့ကအိၣ်တ့ၢ်ဒံးလၢကလၢဝဲလၢနၤဒီးနဖိခွါတဖၣ်, ကသူဝဲဆူညါအဂီၢ်န့ၣ်လီၤ.”

လၢတၢ်န့ၣ်အဃိ, ပိာ်မုၣ်န့ၣ်လဲၤနုာ်ဆူအဟံၣ်ပူၤဃုာ်ဒီးအဖိ ခွါတဖၣ်, ဒီးကးတံာ်ပဲတြီဒီးဟံးထီၣ်သ့ၣ်စၤယံးအသိကိအဆံးတဖျၢၣ် န့ၣ်ဒီးလူလီၤသိဆူကိတဖၣ်အပူၤ, ဒ်အဖိခွါဟဲက့ၤစိာ်န့ၢ်အီၤအသိးန့ၣ်လီၤ.

အန့ၣ်ဝံၤဒီးအဝဲမံလီၤလၢဖိသၣ်ပိာ်ခွါအလိၤဒီးပာ်လီၤအထး ခိၣ်, အမဲာ်ချံတဖၣ်ဒီးအစုတဖၣ်လၢဖိသၣ်ပိာ်ခွါအထးခိၣ်, အမဲာ်ချံတဖၣ်ဒီးအစုတဖၣ်အလိၤန့ၣ်လီၤ. ဖဲအဝဲမံလီၤစူၣ်ထီၣ်အသးလၢဖိသၣ်ပိာ်ခွါအလိၤန့ၣ်, ဖိသၣ်ပိာ်ခွါအနီၢ်ခိစးထီၣ်လၢၤထီၣ်ဝဲန့ၣ်လီၤ.