آیات محبوب کتاب مقدس از Mateo 7

به اشتراک گذاشتن

“Pangayo ug kamo hatagan; pangita ug kamo makakaplag; panuktok ug ang pultahan ablihan alang kaninyo.

Kay ang mangayo hatagan ug ang mangita makakaplag ug ang manuktok ablihan.

“Busa ang tanan nga nakadungog sa akong gisulti ug nagtuman niini mahisama sa usa ka maalamong tawo nga nagtukod sa iyang balay diha sa bato.

“Buhata ngadto sa uban ang buot ninyo nga ilang buhaton nganha kaninyo: kini ang kahulogan sa Balaod ni Moises ug sa pagtulon-an sa mga propeta.

Apan masigpit ang ganghaan ug malisod ang dalan paingon sa kinabuhing dayon ug diyutay ra ang nakakaplag niini.

“Sa inyong pagpangita sa dalan sa kinabuhi, sulod kamo sa sigpit nga ganghaan kay ang lapad nga ganghaan ug ang sayon nga dalan paingon man sa kalaglagan. Mao kini ang gisubay sa kadaghanan.

Kon kamo nga mga daotan mahibalong mohatag ug maayong butang ngadto sa inyong mga anak, unsa pa kaha ang inyong Amahan nga atua sa langit? Mohatag gayod siya sa mga maayong butang niadtong mangayo kaniya!

“Ayaw ninyo hukmi ang uban aron dili kamo hukman sa Dios. Kay hukman kamo sa Dios sama sa paghukom ninyo sa uban ug sukdon kamo niya sa samang sukdanan nga inyong gigamit sa uban.

“Apan ang tanan nga nakadungog sa akong gisulti ug dili motuman niini, mahisama sa usa ka tawong buangbuang nga nagtukod sa iyang balay diha sa balas.

Nganong nakita man nimo ang puling sa imong isigkatawo apan wala ka magtagad sa troso diha sa imong mata? Unsaon man nimo pag-ingon sa imong isigkatawo, ‘Kuhaon ko kanang imong puling’ nga naa may troso sa imong mata?

“Pagbantay kamo sa mga mini nga propeta. Moanha sila kaninyo nga morag mga karnero apan ang tinuod sama sila sa bangis nga mga lobo. Mailhan ninyo sila sa ilang binuhatan kay ang sampinit dili man mamungag ubas ug ang kadyapa dili usab mamungag igos.

Ang punoan nga walay sakit mamungag maayong bunga apan ang punoan nga masakiton dili mamunga ug maayong bunga.

Dili makabungag walay pulos nga bunga ang punoan nga walay sakit sama nga ang masakiton nga punoan dili makabungag maayong bunga.

Ang matag punoan nga dili mamungag maayong bunga putlon ug isugnod sa kalayo.