آیات محبوب کتاب مقدس از MGA PANULTIHON 4

Himoa ang imong kasingkasing nga mabinantayon kanunay; kay gikan niini nag-agas ang mga tubod sa kinabuhi.

Pagmatngon sa agianan sa imong mga tiil, ug ang tanan nimong mga dalan malig-on.

Isalikway gikan kanimo ang daotan nga pagpanulti, ug ipahilayo gikan kanimo ang sukwahi nga pagsulti.

Ang sinugdanan sa kaalam mao kini: Batoni ang kaalam, ug bisan unsay imong makuha, batoni ang pagpanabot.

Apan ang agianan sa matarong sama sa kahayag sa kaadlawon, nga nag-anam ug kahayag ang pagdan-ag hangtod sa pag-abot sa kabuntagon. Ang dalan sa daotan sama sa hilabihan nga kangitngit; sila dili mahibalo kon unsa ang ilang napandolan.

Ayaw siya biyai ug siya manalipod kanimo; higugma siya, ug siya magbantay kanimo.

Hupti gayod ang pahimangno, ayaw siya buhii; bantayi siya kay siya mao ang imong kinabuhi.

Ayaw pagsulod sa agianan sa daotan, ug ayaw paglakaw sa dalan sa mga tawong daotan.

Pamati, O mga anak, sa pahimangno sa usa ka amahan, ug pamati, aron makahibalo kamo ug mga maayong hunahuna